Image may be NSFW.
Clik here to view.
人在香港又想平買日貨點算？呢個時候，日本兩大購物網站樂天（Rakuten）同Amazon JP幫到你！以當地價格購入心水貨品，再加些許運費運到香港，價錢多數平過喺香港買或搵代購。至於點樣買？有乜抵買？點慳運費？而家就等MoneyHero同大家詳細介紹！ （2020年2月更新）
其他網購心得：淘寶集運｜美國集運｜日本網購｜英國網購｜雙11｜香港網購平台｜信用卡跨境手續費｜每周信用卡優惠｜Black Friday 優惠
【最新消息！】武漢肺炎疫情 各地禁運口罩安排
武漢肺炎肆虐，全城齊齊撲口罩，一罩難求，不少人轉而於世界各地網購，不過繼台灣宣布禁止口罩出口，韓國與泰國等地相繼有禁運安排，MoneyHero為你更新相關資訊，等你安心網購！（2020年2月20日更新）
暫未限制口罩出口的之地區
日本、英國、美國、澳洲
限制口罩出口的之地區
台灣：2020年1月24日至4月30日，管制口罩出口，管制品為「紡織材料製」口罩，包含N95、活性碳口罩、棉布印花或紗布口罩、醫用或外科口罩。旅客僅可隨身攜帶不超過5盒，即250個口罩離境，過量會被沒收及罰款
韓國：即日起管制口罩出口，旅客帶超過300個口罩出境即需進行簡易通關程序，如果口罩和消毒洗手液合計數量超過1000件或價值逾200萬韓圜，需主動向海關申報和進行通關程序。韓國國會保健福祉委員會表示將因應疫情更新安排，不排除指定期間內禁止口罩和洗手消毒液出口
泰國：2020年2月管制口罩出口不得超過500個，同月20日傳出攜帶口罩出境不得超過30個，有醫生證明可以攜帶50片，另外全面禁止口罩出口，此規定預計將從今日開始執行到6月30日，防止泰國境內口罩缺貨
印度：2020年1月31日起，印度政府禁止出口包括口罩及保護衣在內的個人保護裝備，直至另行通知
日本樂天市場
Image may be NSFW.
Clik here to view.
日本樂天市場係日本最大規模嘅網上購物中心，擁有幾萬間線上專賣店，貨品包羅萬有，緊貼日本潮流。樂天同好多 網購 平台使用方式相近，操作簡單，而且提供中英文版本，唔識日文都可以順利購物。
樂天嘅購物平台其實有兩個，分別係「樂天市場」同「Rakuten Global Market」。「樂天市場」專攻日本國內市場，只有日文版，店舖多達40,000間，但大部分唔發貨至海外；主攻海外市場嘅「Rakuten Global Market」則有中韓英語言選擇，有10,000多間店舖，所有店舖都接受海外訂單。
購物貼士
1）用日文搜尋商品
如果你已有想買嘅物品，可在首頁輸入物品名稱，直接搜尋。不過樂天市場嘅中英文商品名稱係由日文翻譯而成，未必精確。要獲得更多更準確嘅搜尋結果，最好用日文搜尋。
2）落單前，自行估算運費
上網買嘢除咗要睇商品價錢之外，最緊要睇埋運費！樂天市場以EMS送貨，將1kg貨品送回香港需 2,100 日圓（約HK$161）運費。在商品頁面點擊「估計運費」，你會見到寄去唔同國家、唔同重量嘅EMS運費表作參考，但最終運費會於付款後，以賣家確認為準。
3）善用集運，節省運費
樂天運費本身唔平，當你同時幫襯咗幾間店舖，並讓每間舖分別將貨物運送到香港，運費更加會倍增。因此，為咗慳番啲運費，大家可考慮使用日本集運服務，先將貨件送至日本本土貨倉，再一次過集運回港（詳見下文介紹）。
4）付款後，回覆運費電郵
於樂天成功落單後，買家一般會收到3封電郵：1）由樂天發出嘅訂單確認郵件；2）由店舖發出嘅訂單確認郵件；3）由店舖發出嘅所需運費郵件。幾封電郵中，你特別需要查看「運費郵件」，因為此電郵列明咗商品嘅實際運費，買家需以簡單英文回覆是否同意該運費。如同意，可回覆：「I agree with the shipping cost, please send to me accordingly.」如不同意，可回覆：「I’m sorry, I don’t agree with the shipping cost, please cancel my order.」如果無回覆，則會被店舖當成默認該報價，貨品會如常發出。
5）如有任何唔明，即搵「在線客服」
雖然 Rakuten Global Market 提供中英文版本，不過商品介紹既翻譯或會有啲奇怪，而且可能仲有唔少日文。如果有任何唔明，你可以點擊右上角嘅「在線客服」，搵客戶服務員問清楚。客戶人員識中英文，但未必係香港人，所以記得打字唔好用口語呀！（「在線客服」服務時間：香港時間 星期一至日 上午9:00 – 下午5:00）
6）Mark實「樂天超級點數」回贈，慳得更多！
樂天會員每消費100日圓，即可得1點樂天超級點數，每1點樂天超級點數可以當1日元用，換句話說即等同1%回贈。想賺更多點數有兩種方法：(1) 趁店鋪做緊額外點數優惠時落單；(2) 憑指定信用卡於樂天付款，可獲10-15倍樂天超級點數。（*非會員都可以喺樂天購物，不過就拎唔到樂天超級點數。）
樂天信用卡優惠
香港好多信用卡都有提供樂天購物優惠，善用呢啲優惠，可以慳番唔少！
DBS 信用卡專享 折扣劵優惠
憑DBS 信用卡推廣期內於指定日本樂天市場網站或其手機應用程式註冊成為「日本樂天會員」，並按指定優惠券連結，可享1,500日元優惠券*。詳情
*優惠不適用於以DBS信用卡透過 Paypal 所進行的購物簽賬。
推廣期：即日至2020年12月31日
| DBS Black World Mastercard | COMPASS VISA 白金卡 | DBS Black American Express Card | DBS Eminent Card | |
| Image may be NSFW. Clik here to view.  |
Image may be NSFW. Clik here to view.  |
Image may be NSFW. Clik here to view.  |
Image may be NSFW. Clik here to view.  |
|
| 簽賬回贈 | 本地簽賬：HK$6/里 海外簽賬：HK$4/里 |
本地簽賬：1% 海外簽賬：0.4% |
本地簽賬：HK$6/里 海外簽賬：HK$3/里 |
本地簽賬：1% 海外簽賬：2% |
| 迎新獎賞 |
→ 合共高達80,000里 |
|
|
|
| MoneyHero 獨家優惠 |
HK$350超市禮券 | HK$300超市禮券 | — | — |
| 立即申請 | Image may be NSFW. Clik here to view.  |
Image may be NSFW. Clik here to view. |
Image may be NSFW. Clik here to view.  |
Image may be NSFW. Clik here to view. |
| 製表：MoneyHero | ||||
（請左右滑動表格查看更多詳情）
相關閱讀：信用卡攻略大全
Amazon JP （amazon.co.jp）
Image may be NSFW.
Clik here to view.
Amazon JP作為另一個日本大型購物網站，店舖同貨品數量雖不及樂天，但介面乾淨整潔，清晰易用，官方直營貨品嘅質素又有保證，所以好多香港人都鍾意用佢買嘢。為方便海外人士購物，Amazon JP設有中文及英文版，但商品說明好多仲係日文，大家可能要用翻譯網站幫幫手。
購物貼士
1）分辨「直營商品」及「自營商品」
Amazon嘅商品主要有兩類，第一類係Amazon直營貨品：出貨快，日本國內免運費，質素較有保障。如同時購買多款直營貨品，通常可以夾埋一次過運返香港。如果係Amazon直銷營品，商品頁面會寫明「Ships from and sold by Amazon.co.jp」。
Image may be NSFW.
Clik here to view.
另一類係自營商品，由合作廠商出貨，唔一定免國內運費，亦可能唔發海外，另外出貨可能需時較長。
Image may be NSFW.
Clik here to view.
2）運費公式各有不同
Amazon嘅運費計算方式會因應貨品類型而有所不同。書籍、CD、軟件、珠寶鐘錶等係以件數收費，其他則按重量收費。以下係Amazon直營商品運到香港嘅收費表：
Image may be NSFW.
Clik here to view.
以件數收費的運費公式：基本費用＋（每件運費 x 件數）
例：買3本書運返香港，運費為600 JPY +（300 JPY x 3）= 1,500 JPY （約港幣$115）
以重量收費的運費公式：基本費用＋（每公斤運費x 重量）
例：買3kg衣飾運返香港，運費為600 JPY +（800 JPY x 3）= 3,000 JPY （約港幣$230）
*除咗直營商品外，部分自營商品都會由Amazon直接出貨，但運費略有唔同。按此查看收費表
Amazon JP 雖然送貨神速（通常兩日就到香港），但海外運費其實唔平。如果想慳運費，又唔介意遲少少收貨，可考慮使用集運。
日本集運服務
顧名思義，集運就係將各樣貨品集合起嚟，一次過進行運送。日本好多集運公司可讓你先將貨件寄至該公司嘅日本貨倉，再一併運返香港，以節省運費。海外消費者會使用集運，一般有以下原因：
- 分別喺唔同店舖購物，再將包裹集合運送回港。
- 同親友約埋一齊網購，然後用集運慳返運費。
- 部分店舖/網站嘅貨品只限本地郵遞。
- 店舖/網站可提供海外速遞，但運費偏貴。
常用集運公司
香港人最常用嘅集運公司主要有兩間，分別係Jshoppers 同Tenso，兩間都係日本人開辦嘅公司，服務比較可靠，網站有提供中文版本，清晰易用。
1）轉送Japan（Jshoppers）
Jshoppers係出名運費較平嘅集運公司，因為佢地係用順豐速運，收費比其他運送方法平，而且通常一個禮拜內會送到。不過佢哋登錄運單嘅速度比較慢，倉庫收咗你件貨後，未必即刻上網Check到，所以急件唔太建議用佢地。網站：https://tensojapan.jshoppers.com/ch/
2）TENSO
TENSO係一間比Jshoppers更具規模嘅集運公司，發貨速度比較快，但價錢就冇咁平。佢哋嘅手續費係因應運費而作調整，並唔係劃一收費，所以整體費用會比其他公司貴。TENSO已經同樂天合作推出運費優惠，有優惠嗰陣價錢都OK的。網站：https://www.tenso.com/cht/shopping/index.html
3）4PX轉運四方
來自中國內地的轉運公司，運費比上述2間更低。網站：http://hk.transrush.com/
相關閱讀：淘寶達人必睇：10大 集運 公司大比併
延伸閱讀：【信用卡攻略】嚴選必備 銀聯信用卡
想知道最新嘅理財貼士，就要留意MoneyHero，同埋緊貼我哋嘅Facebook Page！
The post 【唔使搵代購】日本樂天 + Amazon JP 網購 全攻略（2020年2月更新） appeared first on 理財資訊.