【機場快綫 優惠】3大秘技教你盡享車票著數（附價錢比較）

好多人去機場出埠搭飛機時，都會選搭巴士、的士，唔駛轉車似乎好方便。但係其實如果你住嘅地方去機鐵九龍、香港站沿線順路、而又唔介意用多少少錢換多多時間同方便嘅話，機場快綫 的確係去機場最快同最有效率之選（肥叔叔就試過搭機場A車巴士，然後響北大嶼山公路俾側邊4班機鐵爬頭，而落車仲要做苦力搬行李上上落落…）

好多人搭機場快綫都會係去到機鐵站嘅自助售票機現金買單程票、或者係埋去有人櫃位用信用卡買、又或者係嘟八達通直接入閘上車或者入閘辦登機寄行李。對住咁多俾正價單程票嘅各位，作為港鐵小股東嘅肥叔叔梗係要講聲多謝老闆啦！(笑)

今次，就趁住香港鐵加咗機場快綫票價無耐呢個機會，響MoneyHero Blog同大家分享下機場快綫著數秘技，繼續為大家慳錢同時間！

秘技一：網上買定再響車站攞

港鐵網站其實係收埋咗一個網上買機場快綫車票嘅介紹網頁，用細字指去另一個購物頁。個購物頁本身係由香港Asiapay旗下嘅PayDollar網付平台負責，當揀咗車票、成功付款之後，佢哋會俾返一個QR碼俾你(來回就有兩個)，而個QR碼呢，就係車票嚟喇。只要你響QR碼發出92日內用咗第一個QR碼搭車，如果係來回票嘅話，咁第二程就要響30日內搭。如果去機場前要辦登機手續寄行李，一定要用第一程嘅同一個QR碼去入兩次閘喎，如果唔係就當你用晒兩次架喇！

以香港站為例，2017年6月加價後嘅單程機鐵票價係HK$115，用八達通嘅就係HK$110，網上買亦一樣都係HK$ 110。如果係來回都係香港站，咁買兩次現金/車站買單程價就會係HK$230，八達通兩次單程HK$220，而網上買定之後先去到車站攞的話，就只係HK$205！差唔多9折！

「唔係喎！到去客務櫃位排隊即場買，都係一樣HK$205咋喎！一樣可以碌卡添！」

的確，網上買定去車站客務櫃位度攞同響客務櫃位度碌卡買個價錢一樣，於是就有秘技二嘅出現…

秘技二：網上碌卡高回贈

響MoneyHero.com.hk比較平台嘅一系列信用卡入面，有唔少都有比較高嘅網上消費回贈，咁上網買定機鐵票就見到真‧著數喇，好似以建行(亞洲)eye信用卡為例，網上簽帳有5倍積分，即係用香港站～機場來回票果HKD 205嚟計，就有1025分建行亞洲積分，即係有2%回贈。如果你去排隊呢？咪205分囉！馬上帶你睇埋其他網上購物信用卡優惠。

而有啲好似係恆生信用卡，亦有網上簽賬三倍或者更多CashDollar優惠，不過就要響上網碌卡之前 去恆生銀行網站做咗登記先喇，立即睇埋更多恆生信用卡優惠資訊。

然後，就有秘技三～

秘技三：搭機鐵都有得儲飛行里數

MoneyHero Blog過去都已經響《飛行里數 攻略大全》介紹過無限咁多個儲飛行里數嘅方法，但係原來唔講唔知，網上買機場快綫車票都係有飛行里數嘅！

根據港鐵公司網上購票網頁，『網上購票可賺取75「亞洲萬里通」里數』，而呢75里嘅Asia Miles，係無論買一張青衣站至機場單程票，定係香港站至機場來回票，都一樣賺多75里！

即係如果你係儲開Asia Miles，而又用渣打亞洲萬里通萬事達卡上網買一張香港站至機場來回票的話，就可以得到51（網上簽賬）+75=126里，而用同一張卡響櫃位買就計落普通商戶簽賬，只係得34里！差足92里架。冇呢張卡？上埋MoneyHero.com.hk 可以睇埋其他飛行里數信用卡優惠比較！

嗱！所以網上買機場快綫車票，其實真係有好多估唔到著數！當然就係因為有咁多著數，所以鐵路公司先唔會大肆張揚囉！

港鐵公司網上購票網頁(資料)

http://www.mtr.com.hk/ch/customer/buy_tickets/payment_method.html

捷徑：機場快綫車票訂購頁(注意：只限成人票)

https://www.paydollar.com/b2c2/AELControlServlet?catid=10000&action=aelshop&lang=chi

機場快綫車票票價比較

註︰*成人車票來回=單程票價x2，不設多日來回

The post 【機場快綫 優惠】3大秘技教你盡享車票著數（附價錢比較） appeared first on 理財資訊.