日本抵買免稅連鎖店血拼攻略2017（附優惠券鏈結）

我哋之前講過免稅退稅嘅基本知識(日本免稅退稅全攻略)，大家係咪已經有衝動買機票去日本血拼？唱好晒 yen，彈藥充足，又了解咗退稅流程啦。你下一秒可能會諗，去日本買咩好呢？買咩最抵呢？其實除左名牌專門店同小店之外，日本好多連鎖店都有好多荀野買，即使香港有同款嘅產品，價錢可能都貴一大截。今次就等moneyhero.com.hk為大家推介幾間日本值得幫襯嘅連鎖店啦！

UNIQLO / GU

睇到小編介紹呢兩間迅銷集團旗下嘅皇牌品牌，你可能會話「唔係掛？香港都有啦，去到日本仲要突登去買？」雖然香港都有呢兩個品牌嘅店舖，但其實喺日本買真係抵好多。即使以原價去比較，以目前匯率計算，喺日本買UNIQLO / GU 仍然有價格上嘅優勢，加上依家大部分UNIQLO同較大型嘅GU都有提供退稅服務，喺日本買佢地嘅產品對比喺香港買都平成20%至30％架。反正呢兩個品牌分店多，遊日期間總會有間係左近嘅。

UNIQLO 免稅店舖一覽︰

http://frsp.mapion.co.jp/b/uniqlo_taxfree/cn2/

MUJI

MUJI近年喺香港受歡迎大家都有眼睇，同UNIQLO一樣，依家喺日本買MUJI又係平成20至30％，仲未計退稅果8％架。除左抵，日本嘅大型MUJI店不論係家居定係服飾嘅款式都多過香港好多架，就連食MUJI嘅CAFE都抵食好多！

MUJI免稅店舖一覽︰

http://www.muji.com/jp/feature/welcome/tc/

AEON

日本大部分AEON超市都設有退稅櫃位。雖然香港都有AEON同唔少日式超市，但日本嘅AEON比起香港嘅超市貨品款式多好多，特別係食品同飲品，而且價錢較便利店平成一截，買番香港自用或做手信都絕對係good choice！要留意嘅係大型AEON MALL內嘅其他商店未必一定有退稅服務，買之前記住要問清楚。

AEON店舖一覽(有免稅店logo 即設有退稅櫃位)︰

http://shop.aeon.jp/enjoy/tw/storelist/

BIC CAMERA

BIC CAMERA係日本著名嘅大型電器中心。日本電器有幾好，相信唔洗多講，相機、鏡頭、遊戲機、風筒、美容機器等都係港人最愛嘅熱門產品。除左電器，唔少人都鐘意去買手錶，G-Shock、Casio、Seiko、Grand Seiko、Rolex 等都有，真係豐儉由人。BIC CAMERA 全線免稅，另外定期有網上Coupon提供，可慳多5%！

BIC CAMERA Visa 優惠︰

http://www.visa-news.jp/visitjapan/tc/i-merchant/bic/index.html

BIC CAMERA店舖一覽︰

http://www.biccamera.co.jp/language/chinese.html

松本清 (MATSUMOTO KIYOSHI)

松本清係日本龍頭連鎖藥妝店，相信女士一定唔會對呢個品牌陌生。化妝品、藥品、保健食品款式齊全、平一大截……我諗都唔洗多介紹啦。依家下載松本清嘅手機App，仲送你10% 「感謝下載」Coupon，但限期只48小時，所以買野之前先下載啦！官方網站亦有提供其他Coupon架。

松本清Coupon︰

http://tw.matsumotokiyoshi.net/coupon_tw

驚安之殿堂

要數日本最「騎呢」嘅百貨店，呢間驚安之殿堂一定榜上有名。入面真係好多古靈精怪野賣。簡單如零食、飲品、藥妝，到電器、名牌手袋、服裝、Cosplay 服飾道具，就連成人用品嘅Corner 都有，真係名乎其實：百貨應百客！驚安之殿堂仲要全線提供退稅服務。如果你係一隻夜貓，去到日本夜晚無所事事又訓唔著，你可以考慮去5月中先開幕嘅澀谷Mega旗艦店，呢間店係24小時營業架。優惠方面，驚安之殿堂提供咗網上Coupon，只要上Google search 一search，唔難搵到。記得將Coupon列印出黎，睇番你消費總額，就可以係免稅之外再慳多200、500或2,000 yen不等。

日本三大便利店：7-Eleven、Lawson、Family Mart

唔知點解，日本嘅便利店特別有吸引力。相信大家去日本，幫襯得最多嘅應該都係便利店。不論係行到口渴買野飲、肚餓買炸雞食、抑或係買雪糕，最方便都係去便利店。日本嘅便利店除左食得落口嘅野，仲有大量雜誌同日用品。雖然便利店價錢比超市或者小店高少少，但勝在夠晒方便。三大便利店：7仔、Lawson、Family Mart 開到成行成市，係日本人生活嘅一部分。便利店嘅優惠就唔多架啦，不過其實有唔少分店都提供退稅服務，梗係要慳番幾百yen 稅金幫補下其他消費啦！

日本三大便利店免稅分店

http://www.sej.co.jp/mngdbps/_template_/_user_/_SITE_/localhost/_res/in/shops_en.pdf

http://www.lawson.co.jp/service/others/in/lang/tw.html

http://www.family.co.jp/services/other/taxfree/ch2.html

海外購物必備信用卡：享盡海外簽賬優惠

1）星展DBS Eminent Card

憑DBS Eminent Card作任何外幣簽賬，均可享有無上限2%現金回贈，啱啱夠抵消1.95%海外交易手續費。而本地簽帳則可享無上限1%現金回贈。而家經MoneyHero.com.hk成功申請DBS Eminent Card，仲送你額外$200現金劵及$100現金獎賞！

2）東亞Flyer World信用卡

東亞Flyer World信用卡於海外簽賬有$5=1里優惠，而且喺迎新期內除咗簽滿$9,000即賺6,000里數，仲豁免獎分兌換里數手續費，網上申請額外再送2,000里。

3）渣打亞洲萬里通萬事達卡

渣打亞洲萬里通萬事達卡迎新期內簽滿$7,500就有15,000里數，其後每簽HK2賺1里數（上限HK$170,000），即合共最多100,000里數，優惠期由2017年7月1日至2017年9月30日。迎新過後，食肆、網上及海外簽賬全年$4=1里數，仲要每個月自動幫你兌換里數同存入你嘅「亞洲萬里通」賬戶內，又唔收手續費，好適合用嚟儲里數！

4）匯豐信用卡

匯豐信用卡有最紅自主獎賞計劃，只要將額外「獎賞錢」分配去「賞中華」或「賞世界」海外簽賬類別，就可以輕易賺到6倍獎賞錢，計落已經有2.4%回贈或$2.78=1里優惠。

而家匯豐更推出最紅旅遊優惠，由即日起至2017年12月31日，已登記用戶用匯豐信用卡於海外簽賬，即賺多額外5倍「獎賞錢」，計埋即是11倍積分（匯豐Visa Signature卡更享14倍積分）！即使扣除Visa / MasterCard嘅1.95%手續費，匯豐卡嘅回贈仍然非常著數，所以去旅行記得要準備定張匯豐卡！

想了解更多匯豐信用卡詳情，可即按此。

5）富邦白金卡 / Titanium卡

去台灣旅遊就以富邦白金卡 / Titanium卡最著數。去一般國家簽賬可以賺到4倍積分，日韓兩國就有8倍積分，去台灣簽賬更有20倍積分！如以4倍積分計，即2%回贈（$3.75=1里），台灣嘅話就即係每$0.75=1里，即10%回贈，回贈比率非常之高！計番富邦本身海外簽賬手續費為1.85%，無論只去一般國家定係去台灣都有賺！想享有呢個優惠，就要記得於簽賬月份內打電話登記！

想了解更多富邦信用卡詳情，可即按此。

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！

——

延伸閱讀：【購物攻略】2017年日本 銀聯卡 百貨公司優惠大集合！

延伸閱讀：【日本夏祭2017】關西必去5大花火大會 (大阪.京都.神戶.滋賀)

記得留意我哋 MoneyHero.com.hk Blog，同埋緊貼我哋嘅 Facebook Page！

The post 日本抵買免稅連鎖店血拼攻略2017（附優惠券鏈結） appeared first on 理財資訊.