幾時都話，日本去極都唔會厭！日本一年四季都有靚景，春天賞櫻，夏天睇花，冬天睇雪，而秋高氣爽嘅秋天，就梗係要欣賞充滿秋日浪漫嘅 紅葉 啦！東京最快11月初就有紅葉睇，MoneyHero.com.hk為大家嚴選東京市中心以至於近郊地區嘅賞紅葉好去處，當中仲有日本人都推薦嘅私房秘境，一於同我哋一齊欣賞秋天嘅「日本風情畫」啦！
1) 新宿御苑：鬧市庭園美景
新宿御苑位於東京鬧市嘅高樓之間，係東京第一大庭園，可以話係真正嘅「城市綠洲」。呢度本身係好出名嘅賞櫻勝地，同時亦係深受歡迎嘅紅葉名所。園內分為日式庭園、英式庭園同埋法式庭園三部分，仲有溫室、茶室同人工草坪等設施，可以玩足一日！
觀賞期：11月上旬至12月上旬
地址：東京都新宿區内藤町11
開放時間：09:00-16:00（16:30閉園﹚
休息日：星期一（如遇假日則為星期二﹚
入場費：一般200円/中小學生50円/幼兒免費
網址：fng.or.jp
前往方法：
- 東京地下鐵丸之内線「新宿御苑前駅」步行5分鐘
- 東京地下鐵副都心線或都營新宿線「新宿三丁目駅」步行5分鐘
- JR/京王/小田急線「新宿駅」步行10分鐘
2) 代代木公園：年輕人野餐勝地
代代木公園曾經係東京奧運選手村，而家已經成為市中心嘅大型森林公園。園內佔地極廣，有齊廣場、噴泉、長櫈、單車步道等，仲不時舉辦跳蚤市場，當地年輕人都好鍾意嚟散步野餐。每年秋天，公園超過1,300棟樹開始變色，楓樹同銀杏樹交織出秋意洋溢嘅紅黃色，浪漫到爆！
觀賞期：11月上旬至12月中旬
地址：東京都涉谷區代代木神園町2-1
開放時間：自由參觀
休息日：自由參觀
網址：N/A
前往方法：
- JR山手線「原宿駅」步行3分鐘
- 東京地下鐵「代代木公園駅」步行3分鐘
- 小田急線「代代木八幡駅」步行6分鐘
3) 明治神宮外苑：300米黃金銀杏大道
去東京一定參觀過明治神宮，但原來神宮外苑噴水池仲有長達300米嘅「銀杏大道」，一到秋天就變成超夢幻嘅金黃色樹道，個個都化身日劇主角，呢度仲會舉辦銀杏祭典，非常有氣氛。想影最靚嘅「黃金大道」呃Like，就一定要去西洋風地標聖德紀念繪畫館。
觀賞期：11月下旬至12月上旬
地址：東京都新宿區霞丘町・港區北青山
開放時間：自由參觀
休息日：自由參觀
前往方法：
- JR中央・總武線「信濃町駅」步行5分鐘
- 東京地下鐵「外苑前駅」步行5分鐘
- 東京地下鐵「青山一丁目駅」步行5分鐘
- 都營大江戸線「国立競技場駅」步行5分鐘
4) 六義園：必賞紅葉夜燈會
Photo Credit: image.space.rakuten.co.jp
六義園建於江戶時代，係以和歌風情為基調嘅「迴遊式築山泉水」大名庭園， 現時係日本嘅「特別名勝文化財」。六義園係賞櫻花同紅葉嘅名勝地，最特別係會舉行紅葉夜燈會，難怪曾被日本人選為賞楓名所冠軍。園內呈現與日本古代歌同中國成語故事相關嘅美景，充滿詩情畫意。
觀賞期：11月下旬至12月上旬
地址：東京都文京區本駒込6-16-3
開放時間：09:00-17:00（16:30閉園﹚
休息日：無休息日
入場費：一般300円/65歲以上長者150円
前往方法：
- JR山手線「駒込駅」步行7分鐘
5) 國營昭和記念公園：一年四季都有花睇
Photo Credit: zeuse100rs.web.fc2.com
為紀念昭和天皇在位50年建造嘅昭和記念公園，一年四季都有花可賞，每年都會舉辦花卉博覽會，係日本最具代表性嘅公園之一。園內遊樂設施完善，可以坐小火車、踩單車、划艇、燒嘢食、游水，最重要當然係有種滿紅葉嘅日本庭園，同埋200米長嘅「談心銀杏大道」。
觀賞期：10月下旬至11月下旬
地址：東京都立川市緑町3173
開放時間：09:30-17:00（11月至2月09:30-16:30）
休息日：無休息日
入場費：一般410円/中小學生80円/65歲以上長者210円
前往方法：
- JR青梅線「西立川駅」步行2分鐘
- JR中央線「立川駅」步行10分鐘
- 多摩都市單軌列車「立川北駅」步行8分鐘
6) 高尾山：超人氣登山徑
Photo Credit: samurai japon
高尾山榮獲全日本遊客最多嘅登山路徑第一名，距離東京只有個幾鐘車程，步行40分鐘左右就可以到達山頂，好彩仲可以望到富士山，係超受本地人同遊客歡迎嘅紅葉勝地。賞楓時期仲會舉辦高尾山紅葉節，現場有八王子車人形表演、日本太鼓表演、枡酒攤檔等。
觀賞期：11月中旬至下旬
地址：東京都八王子市高尾町
開放時間：自由參觀（登山纜車08:00始發、登山電梯09:00始發﹚
休息日：自由參觀
網址：www.hachioji-kankokyokai.or.jp
前往方法：
- 高尾登山纜車「高尾山駅」步行40分鐘
7) 小金井公園：鳥語花香夢幻場景
Photo Credit: kirarian.com
前身係小金井大綠地，戰後曾經係皇太子臨時居所，而家係都市公園，面積涵蓋櫻花園、射箭場、SL蒸汽列車展示區、網球場、野餐區等，適合一家大細一齊享受親子樂。呢度最正係無之前講嘅紅葉名所咁多遊客，鳥語花香，充滿隱世寧靜嘅生活氣息，小朋友一定玩到唔捨得走！
觀賞期：11月中旬至下旬
地址：東京都小金井市關野町1-13-1
開放時間：自由參觀
休息日：自由參觀
前往方法：
- JR中央線「武蔵小金井駅」轉乘西武巴士至「小金井公園西口停留所」直達
8) 小石川後樂園：和式庭園配小橋流水
Photo Credit: geinou-ura.com
小石川後樂園係東京兩大庭園之一，原本係水戶德川家江戶屋宅邸內嘅庭園。園內以池塘為中心，屬迴遊式泉水庭園，引進咗圓月橋、西湖堤等中國名景，亦有模仿京都嵐山大偃川等日本名勝，糅合日本建築特色同埋中國式庭園造景，配埋紅葉景色，絕對唔會令你失望！
觀賞期：11月下旬至12月上旬
地址：東京都文京區後樂1-6-6
開放時間：09:00-17:00（16:30閉園﹚
休息日：無休息日
入場費：一般300円/65歲以上長者150円
前往方法：
- 都營地下鐵「飯田橋駅」步行2分鐘
- JR中央・總武線「飯田橋駅」步行8分鐘
- 東京地下鐵「後樂園駅」步行8分鐘
9) 向島百花園：地道之選 百花盛放
Photo Credit: asoview!NEWS
向島百花園坐落於墨田區，係江戶時代文政時期由古董商人興建嘅名園，現時係日本國家名勝及史蹟，紅葉同梅花都好出名。呢個以花卉草木為主嘅民營花園，仲有一條「胡枝子隧道」為人熟悉，亦種咗「秋之七草」，所以秋天就更加要嚟呢個「百花之園」賞花賞葉啦！
觀賞期：11月中旬至12月中旬
地址：東京都墨田區東向島3-18-3
開放時間：09:00-17:00（16:30閉園﹚
休息日：無休息日
入場費：一般150円/65歲以上長者70円
前往方法：
- 都營巴士亀戸-日暮里(里22)「百花園前」步行3分鐘
- 東武Skytree Line「東向島駅」步行8分鐘
- 京成電鐵押上線「京成曳舟駅」步行13分鐘
10) 奥多摩湖：隱世湖光山色 日本人大推
Photo Credit: kknew
奥多摩湖位於東京都同山梨縣之間，屬於離首都圈最近嘅國立公園秩父多摩國立公園範圍內，曾經多次入選為日本紅葉名所，湖水平靜，群山環繞。除咗紅葉倒影喺湖面上嘅靚景，湖上的「浮橋」亦係奧多摩湖嘅出名景點之一。呢度絕對係連日本人都大推嘅私房秘境！
觀賞期：11月上旬至中旬
地址：東京都西多摩郡奧多摩町原
開放時間：自由參觀
休息日：自由參觀
網址：N/A
前往方法：
- 西東京巴士「奥多摩湖巴士停」直達
去日本睇紅葉，記得要帶張最啱你用嘅信用卡簽賬！
海外消費必備信用卡：享盡海外簽賬優惠
1）Citi Cash Back Visa信用卡
憑Citi Cash Back Visa信用卡作任何外幣簽賬，均可享無上限2%現金回贈，相等於抵消1.95%海外交易手續費。迎新期內新客戶頭2個月只需簽滿HK$15,000，最高可獲HK$1,500 現金回贈。另外，而家經MoneyHero.com.hk成功申請Citi Cash Back Visa信用卡，仲額外送$200現金劵！
2）星展DBS Eminent Card
憑DBS Eminent Card作任何外幣簽賬，均可享有無上限2%現金回贈，啱啱夠抵消1.95%海外交易手續費。而本地簽帳則可享無上限1%現金回贈。而家經MoneyHero.com.hk成功申請DBS Eminent Card，仲送你額外$200現金劵及$100現金獎賞！
3）東亞Flyer World信用卡
東亞Flyer World信用卡於海外簽賬有$5=1里優惠，而且喺迎新期內除咗簽滿$9,000即賺6,000里數，仲豁免獎分兌換里數手續費，網上申請額外再送2,000里。
4）渣打亞洲萬里通萬事達卡
渣打亞洲萬里通萬事達卡迎新期內簽滿$7,500就有15,000里數，其後每簽HK2賺1里數（上限HK$170,000），即合共最多100,000里數，優惠期由2017年7月1日至2017年9月30日。迎新過後，食肆、網上及海外簽賬全年$4=1里數，仲要每個月自動幫你兌換里數同存入你嘅「亞洲萬里通」賬戶內，又唔收手續費，好適合用嚟儲里數！
5）匯豐信用卡
匯豐信用卡有最紅自主獎賞計劃，只要將額外「獎賞錢」分配去「賞中華」或「賞世界」海外簽賬類別，就可以輕易賺到6倍獎賞錢，計落已經有2.4%回贈或$2.78=1里優惠。
而家匯豐更推出最紅旅遊優惠，由即日起至2017年12月31日，已登記用戶用匯豐信用卡於海外簽賬，即賺多額外5倍「獎賞錢」，計埋即是11倍積分（匯豐Visa Signature卡更享14倍積分）！即使扣除Visa / MasterCard嘅1.95%手續費，匯豐卡嘅回贈仍然非常著數，所以去旅行記得要準備定張匯豐卡！
想了解更多匯豐信用卡詳情，可即按此。
想知道更多信用卡嘅優惠資訊？立即使用我哋嘅比較工具，搵出最適合你嘅信用卡！
經我哋申請仲可以獲得額外獎賞現金券，詳情請按此。
溫馨提示：出發前記得要買旅遊保險！MoneyHero保險平台幫你比較不同旅遊保險計劃，如STARR、MSIG、富衛等。
延伸閱讀︰日本抵買免稅連鎖店血拼攻略2017（附優惠券鏈結）
延伸閱讀︰【購物攻略】2017年日本 銀聯卡 百貨公司優惠大集合！
——
想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！
The post 【日本 紅葉 攻略】東京10大賞楓必去景點2017 appeared first on 理財資訊.