呢1年各大銀行推出唔少儲里數信用卡，迎新優惠豐富之餘，里數兌換率亦相當吸引，令唔少平時冇儲開飛行里數嘅朋友都心郁郁想申請番張玩下。不過雖然飛行里數個個都識，但到底要點樣用亞洲萬里通呢個System去換飛，可能令唔少新手大叫頭痛。今日就等MoneyHero.com.hk為大家一次過講解下。（2017年9月更新）
1）乜嘢係飛行里數？
飛行里數係信用卡公司同銀行送俾顧客嘅購物回贈優惠，同普通嘅積分回贈計劃差唔多，不過啲分主要用嚟換飛行獎勵，例如免費機票同提升客位等優惠。現時市面上有唔信用卡都可以用嚟儲飛行里數，兌換率通常為每數元即可獲1里飛行里數，例如用美國運通國泰航空尊尚信用卡於本地消費，每$6就可賺1里飛行里數，如果喺海外消費更可享$4=1里嘅優惠添。
2）飛行里數有邊幾種？
世界各地的飛行里數其實都分好幾種，包括「亞洲萬里通」Asia Miles、英航Avios里數、日本ANA miles、金鵬俱樂部 Fortune Wings Club 同埋聯合航空嘅MileagePlus里數等等。對港人來說，就以Asia Miles最通用，香港有好多銀行如美國運通、渣打、匯豐、Citibank、建行同東亞等等嘅信用卡都可以用嚟儲Asia Miles。（延伸閱讀：【飛行里數攻略】 Fortune Wings Club Vs Asia Miles 邊個儲里數快啲？）
3）點樣儲飛行里數 / Asia Miles ？
儲飛行里數嘅方法好多，例如平日飲食娛樂消費、去旅行訂機票酒店支出，甚至連平日交水電煤費、保險、電話費同八達通自動增值都可以儲里數架！（想知多啲可以閱讀我哋嘅：交水電煤費儲AirMiles攻略同八達通 自動增值 儲飛行里數攻略）
想儲得快啲，大家記得要留意唔同信用卡嘅優惠，有時銀行會為成功申請的信用卡送上飛行里數作迎新禮品，例如渣打亞洲萬里通萬事達卡咁，頭2個月內首$7,500消費都會有簽$1送2里數，即15,000里數！
不過，除咗睇獎賞夠唔夠豐富之外，大家亦要查下積分嘅有效期。唔想浪費啲積分，就要喺到期前兌換機票，但每次可能要支付$100～$300嘅手續費。好彩而家唔少主打飛行里數嘅信用卡都會豁免手續費，好似渣打亞洲萬里通萬事達卡、東亞Flyer World萬事達卡同Citibank Premier Miles信用卡就唔需要比任何手續費。
4）我已經儲夠飛行里數，可以去邊？
目的地唔同，所需嘅飛行里數亦都唔同。以「亞洲萬里通」為例，你可以去官網檢查獎勵換算表睇下你所選擇嘅夥伴航空公司有冇提供有關獎勵，然後再用飛行獎勵搜尋器計算兌換獎勵所需嘅里數。一般嚟講，最受港人歡迎嘅日韓大概需要20,000～30,000 Asia Miles，而臨近嘅台灣只需15,000就可以換到機票。想去遠少少，可以考慮澳洲、芬蘭（兩者都係約45,000 Asia Miles）、意德英法等歐洲國家同埋美加兩國（都係約60,000 Asia Miles）。
不過日韓呢類旅遊勝地，機票固然較搶手，如果撞正旅遊旺季，就較難換到你想要嘅機票。唔想只得候補機位，最好提早計劃好行程，其實最早喺出發前1年就已經可以兌換機票喇！另外，除咗兌換免費機票之外，你亦可以用積分提升客位、提高額外寄艙行李限額同幫親友兌換同行貴賓獎勵機票。
延伸閱讀：【Asia Miles 換免費機票攻略】最抵換旅遊熱點大搜查
5）我已經決定好目的地，應該點換機票？
想用Asia Miles兌換機票，就先要知道佢哋換航班嘅基本規則。亞洲萬里通嘅來回獎勵機票容許你喺同一旅程中，作最多2次中途停留（Stop-over）、2次轉機（Transit）同1次中斷行程（Open Jaw）（不論係喺起點、轉機點或回程點）。
Stop-over其實即係指喺你抵達某個城市至到坐另一班機走之間停留超過24小時（而少過24小時就當係普通轉機）。而Open Jaw就指你去到某個城市，之後喺另一個城市返回起點，例如由A抵達B，再由C返回A。如果你能夠善用Stop-over同Open Jaw，就可以喺一次旅程中去幾個城市玩，計番條數又慳多唔少！
簡單嚟講，你可以透過以下幾種方式換機票：
- 基本來回（1個Stop-over）：例子：香港至米蘭（Stop-over）；米蘭至香港。
- 2個Stop-over：例子：香港至東京（Stop-over）；東京至大阪（Stop-over）；大阪至香港。
- 1個Stop-over+1個Open Jaw：例子：香港至大阪（Stop-over）；大阪至札幌（Open Jaw）；札幌至東京（轉機）；東京至香港。
- 2個Stop-over+1個Open Jaw：例子：香港至關西空港（Stop-over）；關西至札幌（Open Jaw）；函館至東京（Stop-over）；東京至香港。
不過大家要留意，Stop-over同Open Jaw並唔係自己隨意安排，一定要睇番航空公司有冇咁嘅航班，如果唔肯定嘅話，可以打電話向「亞洲萬里通」職員查詢。
6）點樣兌換機票？
如果你要兌換國泰航空、港龍航空、英國航空同澳洲航空嘅機票，就要以會員號碼/名稱同個人密碼登入國泰或港龍航空官網，然後透過網上訂票服務查閱機位供應情況及兌換獎勵機票。
如果你要兌換其他夥伴航空公司嘅機票，就要填返張兌換飛行獎勵申請表，包括你已計劃好嘅日期、地點、航空公司、航班時間、旅客資料、聯絡資料同埋信用卡資料。如果你選擇嘅行程比較複雜，例如涉及Stop-over同Open Jaw，最好都係打去「亞洲萬里通」熱線請相關職員幫你辦理，始終網上較難處理。
（溫馨提示：換好機票行程之後，記得為自己購買一份旅遊保險！即上我們的比較平台選擇及購買。）
7）有乜飛行里數信用卡推介？
渣打亞洲萬里通萬事達卡
由2017年7月1日至9月30日，成功於網上申請渣打亞洲萬里通萬事達卡嘅全新客戶喺迎新期嘅頭2個月內，首$7,500消費都會有簽$0.5=1里數優惠，咁已賺到15,000里數，夠換一套來回台灣機票喇！而其後之$170,000消費會有簽$2=1里數優惠（如果同時成為全新渣打銀行客戶並存入$200,000資金，更會升級至$1.5=1里數），最高可獲85,000里數，即合共最高可獲100,000里數！呢張卡仲要每個月月尾都會自動將賺到嘅里數存入你嘅「亞洲萬里通」戶口，唔使任何兌換手續費添！現經MoneyHero.com.hk成功申請，尊享額外$200超市現金劵。
東亞銀行Flyer World萬事達卡
東亞Flyer World萬事達卡嘅迎新禮品包括$1.5=1里，即係簽滿$9,000即可賺6,000里數，網上申請額外再送2,000里。推廣期後不論係本地、海外定網上簽賬都有$5=1里優惠，而且仲不設最低簽賬要求添！更難得係連網上繳費、自動轉帳都有$8=1里數。仲有，呢張卡嘅積分有效期都有成5年，仲可以豁免兌換里數手續費架！想了解呢張卡嘅詳情可按此。
Citi Premier Miles信用卡
用Citi Premier Miles信用卡喺迎新期內簽賬可以每$1.5賺1里數(額外高達20,000里數)。呢張卡用嚟作海外同網上簽賬有$4=1里數優惠，如果當月簽賬$20,000更有$3=1里數！唔儲飛行里數嘅亦可以改用信用卡積分換2%現金回贈。呢張卡嘅積分永久生效，你可以留待需要時至兌換飛行里數同回贈，唔使驚過期。現經MoneyHero.com.hk成功申請，尊享額外$100超市現金劵。
Citi Prestige 信用卡
Citi Prestige 信用卡本地簽賬$6=1里數，而海外簽賬就可以每$4賺1里數，而且申請人只需支付首年年費$2,500就可得到180,000積分，即15,000里數。呢張卡除咗積分永久生效外，仲有高達額外30%年資獎賞。持卡人憑Priority Pass更可無限次免費享用環球機場貴賓室服務同任何酒店第四晚免費住宿優惠。現經MoneyHero.com.hk成功申請，尊享額外$300超市現金劵。
DBS Black World MasterCard
用DBS Black World MasterCard作本地及海外零售簽賬可以賺10倍DBS$，即每$1.2賺1里數，經指定網頁申請再送多DBS$25(=520里數)。用呢張卡全年本地簽賬有2XDBS$(即$6=1里)，海外簽賬則有3XDBS$(即$4=1里)。DBS$不設限期，又可以豁免兌換里數手續費，而且仲有自家嘅旅遊獎賞平台iGO Rewards ，唔使將積分轉嚟轉去，直接用嚟換機票。2017年9月30日前經MoneyHero.com.hk申請並成功批核，尊享額外$100超市現金劵！
美國運通國泰航空尊尚信用卡
美國運通國泰航空尊尚信用卡頭3個月本地簽賬即有$5=1里，再加上簽滿$5,000即送5,000里數，經網上申請送多1,000里數，加埋至少有7,000里數！2017年9月30日前經MoneyHero.com.hk申請，獨家再送HK$100超市禮券當作迎新禮物，迎新期後，本地簽賬有$6=1里優惠，而海外簽賬就可以每$4賺1里。呢張卡於網上買國泰機票可以每$6賺2里數，又可以全年無限次享用環亞機場貴賓候機室，好適合經常外遊嘅朋友。
美國運通國泰航空信用卡
美國運通國泰航空信用卡頭3個月本地簽賬同樣有$5=1里優惠，再加上簽滿$3,000即送3,000里數，網上申請再送多1,000里數，加埋至少有4,600里數！2017年9月30日前經MoneyHero.com.hk申請獨家再送多HK$100超市禮券當作迎新禮物，呢張卡嘅年薪要求為15萬，門檻較美國運通國泰航空尊尚信用卡低，所以職場新人都可以申請到。用呢張卡於網上買國泰機票可以每$8賺2里數，又可以一年兩次享用環亞機場貴賓候機室。
其實適合儲飛行里數嘅信用卡又點止呢幾張吖！想知多啲飛行里數信用卡嘅詳情，立即瀏覽我哋嘅比較平台，邊張卡嘅優惠最啱你自然一目了然啦！
——
延伸閱讀：邊張信用卡可入 機場貴賓室 ？
延伸閱讀：大學生必用！5大最佳 Fresh Grad 信用卡
想知道更多賺里數嘅方法，就要留意MoneyHero.com.hk Blog，同埋緊貼我哋嘅Facebook Page！
The post 輕鬆儲飛行里數！ Asia Miles 基本攻略 appeared first on 理財資訊.