邊個話學生就好難擁有一張「好使好用」嘅信用卡？用嚟用去都係大學聯營卡，係時候俾自己多啲選擇！MoneyHero.com.hk嚴選咗6張 大學生 必備嘅信用卡，由優惠折扣、現金回贈到迎新禮品、甚至獨家優惠都一一為你詳細比較！等大家踏入社會大學之前，就學識精明使用信用卡！（2017年9月更新資料）
大學生信用卡優惠比較
| 特別優惠* | 迎新禮品* | MoneyHero.com.hk獨家優惠 | |
| 安信WeWa普通卡 |
|
|
HK$100超市禮券+HK$200現金回贈 |
| Citi Clear Student Card |
|
|
HK$100惠康超市禮券 |
| 恒生enJoy Card |
|
|
– |
| 東亞i-Titanium 卡 |
|
|
– |
| 大新One+信用卡 |
|
|
– |
| COMPASS VISA 大專生信用卡 |
|
|
HK$200禮券 |
*簽賬要求請參考內文
1）安信WeWa 普通卡：睇戲、唱K、旅遊4%回贈！
![primeCreditWeWa[1]](http://s3-ap-northeast-1.amazonaws.com/cgblogassets/wp-content/uploads/sites/3/2017/09/20160617/primeCreditWeWa1-300x189.jpg)
現金回贈
走堂、放學或者完咗大Project嗰陣，約埋成班同學去食飯、睇戲、唱K，甚至Plan 埋個sem break旅行，都咪話唔爽！ WeWa 卡俾你於「旅遊」、「戲院」、「卡拉OK」、「主題公園」商戶類別每消費HK$250，回贈HK$10（即4%現金回贈）；其他商戶類別每消費HK$250回贈HK$1，值得留意。
低門檻抽獎
好多信用卡通常都需要你簽帳滿幾千幾萬先會有獎品，WeWa 卡只需要你單一簽賬滿HK$400或以上，就可以喺WeWa Card手機app玩一次「一Shake即中」大抽獎，100%必中獎，獎品價值由HK$20至HK$10,000(單一簽賬免找數優惠之上限)不等。
迎新禮品
即日起至2017年10月31日(包括首尾兩日)，透過MoneyHero申請會獨家送你HK$100超市禮券+HK$200現金回贈，再於90日內簽賬滿HK$8,500，再送HK$500現金回贈或Fitbit ALTA 健身手環或蔡司VR One Plus虛擬實境頭戴式顯示眼鏡，三選一，約埋班樓友打機、做運動啱晒！
申請門檻
2）花旗Citi Clear Student Card：網上外幣簽賬2%回贈
網購／代購之選
唔少學生哥都鍾意成班人約埋一齊網購（Share運費呀嘛！），仲有部分鍾意搞下小生意做網上代購。呢張卡嘅好處就係所有網上外幣簽賬享2%現金回贈，仲有獨家網購及送貨優惠低至8折！
用開淘寶嘅話，集運對你嚟講應該唔陌生，憑呢張卡就可以係DimBuy享有運費優惠9折，一年入面用咁多次集運，慳慳埋埋都唔少。
鍾意係英美網站Online Shopping嘅話，憑呢張卡就可以係Borderlinx享有免費美國及英國網上商店代購服務、低至8折運費優惠，以及免費包裹整合及重新包裝服務。
延伸閱讀︰淘寶達人必睇：10大 集運 公司大比併
睇戲之選
同學們轉堂、放學嘅時候，最興就係去下睇戲，憑卡係Cinema City朗豪坊買戲飛都享有優惠，包括正價戲票9折、週五至日3D/2D戲票買1送1。做學生好自然想慳得就慳，睇戲有折扣又可以慳番筆！
迎新禮品
迎新禮品方面，發卡後首2個月內累積認可簽賬滿 HK$10,000或以上，即送8張Cinema City朗豪坊換票證（總值HK$800） 或簽賬滿HK$15,000或以上送American Tourister Bon Air 75厘米四輪行李箱。最低簽賬滿HK$2,500 已經可以換到兩張戲飛（總值HK$200）。而家經MoneyHero.com.hk申請，獨家送額外HK$100惠康超市禮券。
申請門檻
3）恒生enJoy卡：全港2,300間商戶折扣優惠
ReU / 住Hall之選
大學生每年都有一大堆ReU等住去，過莊飯、Ocamp聚會飯、開Sem飯，完Sem飯、Project Mate飯⋯⋯呢張卡一定啱哂成日ReU嘅你！因為憑恒生enJoy卡喺超過2,300間商舖可以獨享全年折扣優惠，仲可以賺2X enJoy Dollars！食肆「特約商戶」包括有美心集團、Starbucks、Pizza Hut、元氣寿司、千両、丼丼屋、一風堂、COVA Caffè-Ristorante、魚尚及香港怡東酒店等等，啱哂一大班Friend去食！
住Hall嘅話，成日要買啲家居日用品，憑卡係惠康、7-Eleven、宜家家居及萬寧等消費，都有唔同折扣優惠。咁聽落，喺咁多唔同地方可以儲到enJoy Dollars，話咁快換到餐飯番嚟！
旅行 / 網購之選
2X enJoy Dollars都仲未夠？鍾意去旅行或者網購嘅話，呢張卡嘅全年3X Cash Dollars獎賞就一定唔可以錯過！只要由即日至2017年12月31日，成功登記後，憑卡作以下交易，就可以賺取 3X enJoy Dollars：
1）於海外以外幣簽賬或現金透支；
2）以港幣或外幣付款之網上交易；
3）於本地商戶以免息分期付款購物之每項淨值滿$5,000或以上之交易。
迎新禮品
講到迎新禮遇，呢張一啲都唔輸蝕，係2017年12月31日或之前申請，即送你$4,000「特約商戶」優惠券以及$300 enJoy Dollars + $200 enJoy Dollars網上申請額外獎賞，申請埋附屬卡仲可獲額外$50 enJoy Dollars。
申請門檻
本身係有年薪要求，只要出示到學生證就可以申請（任何大學或大專全日制學生）。
4）東亞i-Titanium卡：網購3%回贈
睇戲之選
除咗啱啱Citi張Clear卡之外，呢張東亞卡仲囊括埋UA院線優惠，憑卡享有每天正價戲票9折（包括2D、3D、IMAX、全景聲版及VIP影院戲票），而且可以係戲院售票處優先購票專櫃，同埋以優惠價$28購買32安士爆谷1客，啱晒鍾意霸靚位同食爆谷嘅你！唔止唔止，去MCL院線（The Grand Cinemas 除外）以及星影匯買飛，都可享正價戲票9折。
現金回贈之選
呢張卡係網上購物賺取現金回贈方面絕對不錯，鍾意網上購物嘅就要留意喇，用呢張卡每月累積零售簽賬逹HK$1,800，可享3% i-dollar回贈，鐘意上莊搞活動、上網買物資嘅學生絕對唔好錯過！而其他零售簽賬就有$250 = $1現金回贈。
迎新禮品
由即日至2017年12月31日，全新客戶發卡後可獲以下其中一份迎新禮物：
- 於發卡後首2個月簽賬滿$1,500，就可免費換領UA院線電影禮劵 2 張 （總值 : 高達 $210）或
- 用Apple Pay/Android Pay付款滿5次，獲25%回贈（上限HK$200）或
- 首3個月簽賬滿$9,000，可獲88,000 Reward U 積分（可兌換HK Express機票一張）
申請門檻
任何大學或大專全日制學生，只需提供學生證都可以申請。
5）大新ONE+ 信用卡：所有消費1%回贈
現金回贈之選
有無諗過，做學生都可以有張信用卡比你自動增值八達通，再賺埋現金回贈！憑大新ONE+信用卡，喺任何本地或海外商戶之零售簽賬、現金透支及「八達通自動增值」服務，都可以有1%現金回贈，而且回贈金額不設上限。
嫌1%唔夠？其實呢張卡仲有個5% MasterCard®樂遊賞獎勵，有本地、海外及網上多達300個國際品牌及1,000間商戶俾你選擇，自動賺取5%獎勵，以兌換各種商戶禮券，而且獎勵不設上限。配合埋上面個1%，隨時賺5+1%！
迎新優惠
既然呢張卡賣點係現金回贈，迎新優惠都自然配合一下：
(1) 新客戶於發卡後首4個月內，每月憑卡簽賬滿HK$3,000或以上，可於該月獲享「基本額外4%現金回贈」，全期回贈金額高達HK$600 及
(2) 於發卡後首4個月內，毋須簽賬要求，所有透過Apple Pay付款之合資格簽賬均可享「Apple Pay額外4%現金回贈」，全期回贈金額高達HK$400 及
(3) 全新客戶只需成功首次登入大新網上理財服務及登記網上月結單服務，即送HK$50現金獎賞
申請門檻
本身係有年薪要求，不過你出示到學生証就可以申請（任何大學或大專全日制學生）。
6）DBS COMPASS VISA 大專生信用卡：百佳、屈臣氏92折
買日用品之選
呢張卡幾啱住緊Hall嘅朋友，因為無論係買日用品、搞活動都要成日落超市買嘢，用COMPASS VISA卡於每月2,12及22日到百佳單一簽賬滿$100，就可以享92折優惠；每月5,15及25日到屈臣氏單一簽賬滿$500，都有92折優惠！另外，於指定商戶（包括百佳、屈臣氏、豐澤等）消費，可獲2.5倍COMPASS Dollar（即1%回贈）！
網購之選
COMPASS VISA卡經常推出網購優惠，就好似今年12月31日前上淘寶網或天貓買嘢，一律賺3% COMPASS Dollar回贈！
$1 Wifi蛋
呢個特別優惠啱晒去旅行用，持卡人可於KLOOK以每日$1換購 台/日/韓/泰 Wifi 蛋 (最多5日)，條件係換完之後要喺限期內憑COMPASS VISA以外幣消費滿HK$2,000。HK$2,000 嘅外幣簽帳手續費(1.95%) 約為$40，換5日Wifi蛋都算好抵下。
迎新優惠
呢張卡嘅迎新禮物最多花款，新客戶可以喺呢7款之中揀一樣：(1) 6張MCL電影禮券 ; (2)Récolte日式小電鍋Qualité(紅色)[型號: RPD-2 (QS)]；(3) 10次免費Flexi Shopping (任可簽帳皆可免息分期) ；(4) $600 COMPASS Dollar回贈 ；(5) HK Express Ufly-Pass 優先購票證 ；(6) ELLE Vortex Collection 24吋行李箱。
2017年10月31日前經MoneyHero.com.hk申請並成功獲批，我哋仲額外送你$200現金劵！
申請門檻
本身係有年薪要求，不過你出示到學生証就可以申請（任何大學或大專全日制學生）。
想知道更多信用卡嘅優惠資訊？立即使用我哋嘅大專學生信用卡比較平台，搵出最適合你嘅信用卡！
——
延伸閱讀：大學生必用！5大最佳 Fresh Grad 信用卡
想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！
The post 【入U即申請】嚴選 6張大學生 必備信用卡（2017年9月更新） appeared first on 理財資訊.