【入Lounge等機】邊張信用卡可入 機場貴賓室 ？（2017年11月）

有時去到 機場貴賓室 門口，大家可能都會有種既遠又近的感覺：我身上嗰幾張信用卡，係咪可以俾我入去呢間 機場貴賓室 呢？好似得，又好似唔得？唔記得添！定係記錯另一間貴賓室先得呢？作為信用卡的比較專家，MoneyHero.com.hk為大家一次過解清疑問，同大家講解 機場貴賓室 的點點「入門」知識，兼介紹埋邊張卡加送「獨家」里數。（2017年11月更新）

首先， 機場貴賓室 都有分幾種，我們先要搞清楚環亞機場貴賓室、Priority Pass貴賓室及航空公司/航空聯盟貴賓室有咩分別︰

1）環亞機場貴賓室（Plaza Premium Lounge）

要數最受歡迎嘅機場貴賓室，環亞機場貴賓室必定上榜！貴賓室一般分為私人機構同航空公司營運兩大類，環亞就屬於前者。品牌喺機場一共有三個貴賓室，分別位於抵境大堂、禁區內嘅東大堂同埋西大堂。東大堂及西大堂兩個貴賓室面積差唔多，同樣達15,000平方呎，提供300個座位，但由於東大堂比較多人(幾乎次次都大排長龍)，而且食物款式唔夠西大堂多，如果大家有時間，又或者登機閘口比較遠嘅話，推薦大家去西大堂嘅貴賓室！

呢度最受歡迎一定係招牌港式魚蛋片頭湯河，無加任何味精，用咗30幾款材料煮成，加上自製XO醬，可以話係機場入面最好食嘅魚蛋粉，唔少人上機前都要特登過嚟食吓。

雖然貴賓室設施一般，但勝在門檻較低，除咗韓亞航空公司、香港快運航空、維珍航空等指定航空公司嘅商務或頭等艙乘客可以免費享用之外，持有中銀Visa Infinite卡、匯豐銀聯雙幣鑽石信用卡、美國運通國泰航空尊尚信用卡等特定信用卡亦可以免費使用。就算你唔符合以上條件，都可以比錢享用貴賓室，收費兩小時$580起。

人氣指數 ★★★★★
舒適指數 ★★
美食指數 ★★★★

信用卡權限

美國運通國泰航空尊尚信用卡

年薪要求：HK$300,000

持卡人可全年無限次使用環亞機場貴賓室（包括附屬卡持有人），而基本卡會員只要於首12個月內提出申請，即可獲贈Priority Pass會籍，於會籍年度內免費享用機場貴賓室4次（不包括附屬卡持有人），享用全球近850間機場貴賓候機室。2017年12月31日前經MoneyHero.com.hk申請，再加送100蚊超市禮券。領取現金券流程請按此。

美國運通國泰航空信用卡

年薪要求：HK$150,000

持卡人可以一年使用環亞機場貴賓候機室2次（包括基本卡及附屬卡持有人）。2017年12月31日前經MoneyHero.com.hk申請，再加送100蚊超市禮券。領取現金券流程請按此。

Citi PremierMiles信用卡

年薪要求：HK$480,000

持卡人於每年度可免費享用環亞機場貴賓室服務12次，但需於享用服務後30天內簽賬滿HK$5,000。如簽賬額未達要求，則要收取每次HK$200服務費。

2017年12月31日前經MoneyHero.com.hk申請，獨家送100蚊超市禮券。領取現金券流程請按此。

Citi Rewards信用卡

年薪要求：HK$150,000

出示信用卡及當日的登機證，即可以HK$250享用下列其中一項服務：

環亞機場貴賓室(24小時服務)
– 2小時享用貴賓室設施或15分鐘肩背按摩
或
Wellness Spa & Salon(服務時間：上午10時至晚上8時30分)
– 2小時享用貴賓室設施或洗髮及恤髮或15分鐘肩背按摩

2017年12月31日前經MoneyHero.com.hk申請，獨家送100蚊超市禮券。領取現金券流程請按此。

HSBC銀聯雙幣鑽石信用卡

年薪要求：HK$150,000

由即日起至2017年12月31日，持卡人可以免費享用環亞機場貴賓室服務3次，每日最多享用服務1次，而附屬卡客戶及同行親友則需支付HK$250 / MOP250。查詢詳情

（由2017 年3 月1 日起，持卡人必須於指定預約網站進行預約，預約必須至少在出發日前1天及只接受最多30天之預約。網上預約名額上限每天100名持卡人，並按先到先得形式提供，額滿即止。）

上海商業銀行銀聯雙幣鑽石信用卡

年薪要求：HK$250,000

由即日起至2017年12月31日，持卡人可以免費享用環亞機場貴賓室服務3次，每日最多享用服務1次，而附屬卡客戶及同行親友則需支付HK$250 / MOP250。（由2017年3月1日起，卡戶須提前於指定網頁內進行預約，方可免費享用機場貴賓室。）

交通銀行銀聯雙幣鑽石卡

年薪要求：HK$150,000

• 由即日起至2017年12月31日，可免費享用環亞機場貴賓室服務3次，每日最多享用服務1次（由2017年3月1日起，卡戶須提前於指定網頁內進行預約，方可免費享用機場貴賓室。）

• 若全年簽賬滿指定金額，下一年可享「自在通」機場貴賓服務最多4次。查詢詳情

2）Priority Pass貴賓室

全世界大部分國家地點共超過1000間Priority Pass貴賓室（詳細地點），只要你持有Priority Pass就可使用。Priority Pass會籍可供任何人申請，最平的標準會籍年費是99美元，而會員及同行賓客使用貴賓室，每人每次需付27美元。另有特惠會籍及尊貴會籍可供選擇，其中尊貴會籍年費399美元，會員可全年免費使用貴賓室，而同行賓客每位仍需付27美元。

信用卡權限

Citi Prestige信用卡

年薪要求：HK$600,000

持卡人可獲贈Priority Pass會籍，無限次免費享用環球機場貴賓室（只限主卡持卡人），同時亦可免費享用部份座落於全球各大國際機場內專屬的Citi機場貴賓室。查詢詳情

2017年12月31日前，經MoneyHero.com.hk成功申請, 尊享額外$300現金劵！領取現金券流程請按此。

交通銀行VISA白金卡

年薪要求：HK$150,000

全年簽賬滿指定金額，下一年亦可享Priority Pass全球機場貴賓室服務最多8次：

• 消費累計HK$50,000-99,999可享用3次
• 消費累計HK$100,000 – 149,999可享用5次
• 消費累計超過HK$150,000可享用8次

3）航空公司/航空聯盟貴賓室

呢一類貴賓室，只限該航空公司/所屬航空聯盟的高級會員卡持有人或商務/頭等客位乘客使用。玉衡堂 (The Pier Business Class Lounge)、紫荊堂 (Club Bauhinia)、銀刃貴賓室 (SilverKris Lounge)、天合聯盟貴賓室 (SkyTeam Lounge)等就係屬於呢種貴賓室。

玉衡堂 (The Pier Business Class Lounge)：國泰尊享　免費按摩

15間貴賓室入面，有5間都屬於國泰航空同國泰港龍航空，當中兩間仲係頭等乘客專用，來頭絕對唔惹少！眾多貴賓室中以玉衡堂最受歡迎，皆因2016年先重新裝修完成，入面分為頭等同商務兩個空間；商務貴賓室面積逾35,500平方呎，可容納550位乘客，係現時國泰航空最大嘅機場貴賓室。除咗常見嘅淋浴間、工作區、美食吧台，仲有比較特別嘅茗茶坊，有茗茶專家駐場為客人泡茶。另外，頭等貴賓室亦設有免費足部或肩頸按摩服務，服務非同凡享。呢度嘅特製擔擔麵係王牌美食，平均每日供應過千碗，同環亞嘅魚蛋粉有得揮！

玉衡堂只限國泰、國泰港龍或「寰宇一家」旗下航空公司嘅頭等或商務艙乘客；或馬可孛羅會銀卡、金卡或鑽石卡會員、Cargo Clan Elite會員、「寰宇一家」飛行常客藍寶石或綠寶石會員使用。

人氣指數 ★★★★
舒適指數 ★★★★★
美食指數 ★★★★★

紫荊堂 (Club Bauhinia)：全場獨家　港式雞蛋仔任食

香港航空嘅貴賓室紫荊堂，雖然面積唔算大，但就主打地道香港情懷，成為機場最有特色嘅貴賓室！貴賓室每季用唔同嘅主題裝飾，例如開幕嗰期嘅香港建築。場內主要劃分為四大區域，包括獨立私人會議室、娛樂休閒及商務區、設有寬闊座椅嘅休息區和淋浴間。最特別係現場有即製雞蛋仔，仲有即煮車仔麵、豆腐花、絲襪奶茶、盅頭飯等地道美食，成為香港機場唯一食到雞蛋仔嘅地方。

貴賓室只限香港航空商務艙乘客，以及金鵬會俱樂部白金卡、金卡、銀卡會員使用；另外持有建行香港航空Fly Away信用卡、ICBC香港航空Visa白金卡亦可每年五次免費使用貴賓室。 經濟艙乘客想入紫荊堂，都可以買張香港航空貴賓室禮券，只需$350就可享用四小時貴賓室，尚算抵買。

人氣指數 ★★★★
舒適指數 ★★★
美食指數 ★★★★★

銀刃貴賓室 (SilverKris Lounge)：尊享東南亞美食

由新加坡航空營運嘅銀刃貴賓室早於2014年耗資一億新幣為全球機場各大貴賓室升級，香港嘅「銀刃貴賓室」屬第一批升級計劃內，成為全球第二個換上全新嘅新航貴賓室。裝修設計融合「家」嘅元素，例如場內嘅獨立座位區，以間隔劃分出私隱度高嘅舒適個人空間，就算係機場都有賓至如歸嘅感覺！

食物方面，貴賓室特意引入新加坡菜單，必試喇沙、米暹等星洲美食，再配上調酒師特製嘅Singapore Sling，勁有東南亞氣氛！最重要係貴賓室位於新航常用嘅登機閘口附近，飲飽食醉先慢慢上機都唔遲。

銀刃貴賓室只限新加坡航空嘅頭等或商務艙乘客，以及星空聯盟航空公司成員(包括全日空、德國漢莎、新西蘭航空公司等)頭等或商務艙乘客使用。

人氣指數 ★★★
舒適指數 ★★★★★
美食指數 ★★★★

天合聯盟貴賓室 (SkyTeam Lounge)︰亞洲首間Lounge

2015年開幕嘅香港天合聯盟貴賓室係亞洲首間、全球第四間專屬貴賓室，由中華航空、中國東方航空聯合打造，可容納逾200位乘客。場內設有VIP室、沙發區、商務辦公區、電視間，最大特色係設有全機場唯一嘅獨立瑜珈室，內附有瑜珈影片及礦泉水，比長途乘客喺私人空間下鬆展筋骨。另外貴賓室由環亞代理，所以美食都離唔開粉麵類，最受歡迎有招牌即煮牛肉麵、魚蛋粉等，質素有保證。

貴賓室只限天合聯盟成員航空公司(包括中華、中國東方、達美、大韓航空公司等)頭等或商務艙乘客使用。

人氣指數 ★★★
舒適指數 ★★★★
美食指數 ★★★

比較香港5大機場貴賓室

（溫馨提示：去旅行咁開心，計劃行程之餘，記得為自己購買一份旅遊保險！即上我們的比較平台選擇及購買。有Allied World、FWD同MSIG等不同計劃俾你揀，經我哋買仲有優惠添！）

相關閱讀：外遊必讀！海外 ATM 提款攻略

相關閱讀：旅遊上網必備：全港最平 Wifi 蛋租借攻略

相關閱讀：【平過搭的士】邊張信用卡有 機場接送 優惠兼最抵？

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【入Lounge等機】邊張信用卡可入 機場貴賓室 ？（2017年11月） appeared first on 理財資訊.