Image may be NSFW.
Clik here to view.
打工仔辛辛苦苦賺錢，但個個月都預留一筆錢交水電煤保費，都咪話唔肉赤！你有冇諗過，原來交呢啲日常開支都可以儲飛行里數？呢啲費用個個月都要交，其實真係可以幫你儲到唔少Asia Miles，兩個月換到張台灣機票都不是夢！不過，銀行信用卡呢方面嘅優惠通常都比較繁複，又多限制， MoneyHero.com.hk 有見及此，就整理咗用各大信用卡交水電煤等等雜費嘅比較，幫大家拆解唔同銀行信用卡嘅適用地方再加埋注意事項，想知有乜要留神？即刻碌落去睇！(2018年1月更新)
大家平時交水電煤雜費，都不外乎3個方法：
(1) 自動轉賬 Autopay
(2) 網上轉賬 e-banking
(3) 自己親身去交
你首先要知道，唔係用張張信用卡交水電煤費都可儲里數。即使張卡可以透過 繳費 賺里數，但對於以上3種交費方法，每張信用卡都有唔同嘅政策同限制。如各位已搞清楚平日繳費方法，咁就可以對應番每一張卡交雜費可以儲到幾多里數喇：（如非註明，以下的里數均為亞洲萬里通Asia Miles 里數）
方法一：自動轉賬 （Autopay）
自動轉賬賺到里數嘅信用卡有好多，不過部分機構，包括中電、港燈、煤氣，只接受某幾間銀行嘅信用卡登記自動轉賬服務，而水務處直情唔接受信用卡Autopay，另外亦有啲信用卡寫明某類 繳費 冇得儲里數。小編幫大家整咗個表，方便大家一眼睇晒：
| 信用卡 | 兌換比率 | 水費 | 電費 （中電） |
電費 （港燈） |
煤氣費 | 保費 |
| 東亞Flyer World | $5 = 1里 | X | ✓ | X | X | ✓ |
| Citi Prestige | $6 = 1里 | X | ✓ | X | ✓ | ✓ |
| 美國運通國泰尊尚信用卡 | $6 = 1里 | X | X | X | X | ✓ |
| 建行港航Fly Away信用卡 | $6 = 1里 (港航里數) |
X | X | X | X | ✓ |
| Citi PremierMiles | $8 = 1里 | X | ✓ | X | ✓ | ✓ |
| 美國運通國泰航空信用卡 | $8 = 1里 | X | X | X | X | ✓ |
| 建行Visa Infinite | $8 = 1里 | X | X | X | X | ✓ |
| HSBC金卡/白金/卓越理財/運籌理財 | $25=1里 | X | X | X | X | ✓ |
方法二：網上 繳費 （e-banking）
網上繳費都可儲里數嘅信用卡唔多，只有以下呢幾張。值得留意嘅係，現時除咗建行信用卡之外，用其他信用卡網上繳交保費都冇得儲里數，所以如果你每年要交幾萬蚊或以上保費，不妨考慮下申請張建行卡，或Check下有冇得Set AutoPay或親身去碌卡。
| 信用卡 | 兌換比率 | 水費 | 電費 （中電） |
電費 （港燈） |
煤氣費 | 保費 |
| 建行港航Fly Away信用卡^ | $6 = 1里 (港航里數) |
✓ | ✓ | ✓ | ✓ | ✓ |
| 東亞Flyer World | $8 = 1里 | ✓ | ✓ | ✓ | ✓ | X |
| 建行Visa Infinite^ | $8 = 1里 | ✓ | ✓ | ✓ | ✓ | ✓ |
| 富邦Titanium/Platinum | $15 = 1里 | ✓ | ✓ | ✓ | ✓ | X |
| 建行Eye Card^ | $15 = 1里 | ✓ | ✓ | ✓ | ✓ | ✓ |
| 建行銀聯 / 白金^ | $15 = 1里 | ✓ | ✓ | ✓ | ✓ | ✓ |
| *HSBC金卡/白金/卓越理財/運籌理財 | $25=1里 | ✓ | ✓ | ✓ | ✓ | X |
*每個月只限頭$10,000繳費可獲里數
^每年繳交保險公司之任何費用及網上繳費交易所累積的積分上限合共為信用額之12倍。
如果你想知邊張卡可以用八達通自動增值賺里數，即睇：嚴選 八達通自動增值 最佳信用卡
想知交學費有乜信用卡回贈，可以睇埋：交學費 儲積分必備信用卡
方法三：親身繳交
小編Check完之後發現，親自交水電煤費用嘅話，當局只會接受現金或支票，所以….親自去交水電煤費用係儲唔到里數架！交保費嘅話就間間公司做法唔同，所以要自行問返保險公司。如果保險公司可以俾你親身去碌卡交，而信用卡條款又冇講明交保費冇回贈嘅話，咁就有得賺里數！
總括嚟講，邊張卡繳費最好用？
根據上表，建行港航Fly Away信用卡繳費（包括保費）HK$6=1里，望落非常吸引。不過要留意港航的Fortune Wing Club積分計劃並非香港最熱門的里數計劃，換機票所需積分亦比亞洲萬里通 (Asia Miles) 多。有興趣知多啲可以睇：Fortune Wings Club Vs Asia Miles 邊個儲里數快啲？
而東亞Flyer World MasterCard 及 建行Visa Infinite卡 在e-banking繳費都有 HK$8 = 1里，2張卡之中，建行Visa Infinite卡最突出之處係連保費都有回贈，而東亞Flyer World自動轉賬就有全港最高的HK$5 = 1里，可謂各有千秋。
不過再深入啲揀，小編會更推薦東亞Flyer World MasterCard，原因包括：1) 東亞Flyer World 年薪要求只係24萬，相反建行Visa Infinite卡係為建行的「貴賓理財」/「私人銀行」客戶而設，估計需要過百萬存款先可以申請。2) 除了繳費之外，東亞Flyer World在所有零售消費均有HK$5 = 1里，是非常實用的里數信用卡，而建行Visa Infinite卡在其他零售簽帳都只有HK$8 = 1里，相對較為輸蝕。
東亞Flyer World萬事達卡詳情
Image may be NSFW.
Clik here to view.
本地簽帳：$5=1里
海外簽帳：$5=1里 (1.95%手續費)
自動轉賬繳交賬單：$5 = 1里
網上繳費：$8 = 1里 （不適用於繳稅、保險、學費）
八達通自動增值：$8 = 1里
電子錢包增值：無
年薪要求：HK$240,000
迎新禮遇：發卡後首2個月簽賬滿HK$9,000，即可獲48,000 獎分，相等於6,000里數；2018年2月28日前經網上申請額外再送3,000里。Image may be NSFW.
Clik here to view.
想知更多飛行里數信用卡資訊，即上MoneyHero信用卡比較平台！
——
想了解更多不同信用卡的優惠？即刻上我哋嘅比較平台。
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 【信用卡繳費】交水電煤費 都儲到飛行里數？（2018年1月更新） appeared first on 理財資訊.