一年突然又過去，話咁快仲有半個月時間就到情人節。每年臨近情人節，小編身邊唔少男士都會煩點樣同女朋友歡度呢個佳節，諗下訂咩花、食咩晚餐、搞咩特別驚喜，都諗餐死。計我話其實只要兩個人一齊過，簡簡單單嘅節目都會能將感情昇華。今次我地Moneyhero.com.hk 就為大家精選咗5間本地酒店提供嘅情人節住宿訂房優惠套餐，短暫解決「土地問題」，等你同另一半可以靜靜地歡度情人佳節，價錢更加是豐儉由人！
性價比高︰屯門貝爾特酒店
遠離市區都有唔少選擇，呢間酒店特別適合住新界西北嘅朋友。酒店位於屯門工廠區，舊年8月先開幕，裝修走工業風精品設計，簡潔而舒適。Package 包晚餐連一晚住宿，如果提前喺2月10日前入住價錢更抵！不過2月13至14日嘅Package會可以食情人節晚餐同埋延遲至下午3點退房，亦具吸引力。同一品牌酒店早已落戶新蒲崗工業區，酒店餐廳亦都好旺場，小編住過覺得房間性價比不俗。
優惠內容：客房住宿一晚＋四道菜晚餐 / 情人節晚餐（2月13至14日）（兩人用）
日期：即日至2018年2月10日，2月13至14日
價格：$988起（2月10日或之前）；$1,314 （2月13至14日）（以上價格未包加一
服務費）
查詢/ 訂房電話：3112 1138
豪華之選︰尖沙咀朗廷酒店
呢間座落油尖旺區的5星酒店，屬於國際大型酒店品牌。雖然價錢比較高，但房間充滿歐陸色彩，喺入面嘆住香檳，同情人細訴心事，肯定浪漫滿屋。雖然Package唔包晚餐，但好在食早餐唔洗落樓，可以喺房入面食，真係啱晒我依啲
懶人，可以訓晏少少！
優惠內容：住宿一晚＋香檳一支＋房內雙人早餐
日期：即日起至2018年2月14日
價格：$3,299 (未包加一服務費) (2月10日/ 13日價錢)
查詢/ 訂房電話：2375 1133
5星級2,000蚊有找︰旺角帝京酒店
呢間5星級酒店相信大家都唔會陌生，同樣位處九龍區心臟地帶，旺角東港鐵站上蓋，交通極之方便。呢個Package 包豪華客房一晚加埋酒店Lion Rock 餐廳酒吧提供嘅晚餐。帝京房間嘅質素相信唔洗多講，優惠仲包埋延遲至下午3點退房
；Lion Rock 小編亦去過幾次，餐廳酒吧氣氛不俗，食物質素唔錯。
優惠內容：豪華客房住宿一晚＋四道菜晚餐（兩人用）
日期：2018年2月14日
價格：$1,980 (已包加一服務費)
查詢/ 訂房電話：2928 8822
晚餐夠彈性︰香港九龍東皇冠假日酒店
住觀塘同將軍澳區嘅朋友可以留意吓呢間酒店，喺將軍澳站一出行幾步就到，而且Package嘅餐飲選擇較為彈性，無限死一定要食燭光晚餐，反而包400蚊餐飲券，俾你喺入住期間使用，中菜、西餐、自助餐任你揀！如果你都係比較傳統，可以考慮情人節當晚享用酒店星幕餐廳提供嘅六道菜燭光晚餐，價錢係$1,628（未包加一）。
優惠內容：都會豪華客房住宿一晚＋雙人自助早餐＋$400餐飲券
日期：2018年2月1日至14日
價格：$1,280起 (以上價未包加一服務費)；2月14日設六道菜燭光晚餐
查詢/ 訂房電話：3983 0300
男士最buy︰帝景酒店
呢間酒店位於汀九，聽落好似遠左啲，但佢同帝京一樣同屬新地旗下酒店，房間裝潢雖未及帝京，但仍算唔錯。酒店設有穿梭巴士往返荃灣同尖沙咀，喺荃灣西站飛的過去亦都只係10分鐘車程。帝景嘅Package 可以話係全包宴，除左半自助晚餐同一晚住宿外，更包埋早餐、玫瑰花束、氣酒同蛋糕，相信係男士都會 Buy！
優惠內容：海景客房住宿一晚＋半自助晚餐＋自助早餐＋玫瑰花束＋氣酒＋蛋糕
日期：2月14日
價格：$1,999（已包加一服務費）
查詢/ 訂房電話：3716 2888
酒店訂房信用卡推介
由於上述優惠都係要打電話去訂房，然後再即場付款，所以最好搵張零售或酒店簽賬回贈最高的信用卡。
信銀國際 CITIC Motion 信用卡︰迎新簽$3,000回贈$300
信銀國際Motion 信用卡其中一份迎新禮品係300蚊現金回贈，只要3個月內簽賬滿$3,000就可以拎到，豪少少住尖沙咀朗庭酒店就可以拎到迎新回贈！迎新期後，現金回贈都十分吸引，八達通自動增值、本地、海外簽賬都有全年無上限2%回贈。
經MoneyHero.com.hk 申請額外送$200現金回贈。
EarnMORE 銀聯卡︰本地零售簽賬2%回贈
EarnMORE 銀聯卡係今年1月推出嘅新卡，同樣主打迎新回贈，而且回贈範圍亦十分全面。本地零售、餐飲、網購、海外簽賬、八達通自動增值，都有2%回贈，而且呢張卡免外幣簽賬手續費，最適合帶埋張卡同Honey 去旅行！
經MoneyHero.com.hk 申請額外送$200現金回贈。
Citi Cash Back Visa 信用卡︰酒店及食肆簽賬2%回贈
如果用 Citi Cash Back Visa 信用卡找酒店套餐條數，同樣有2%回贈。而呢張卡最吸引係迎新回贈，2個月內簽賬滿$5,000、$10,000或$15,000，分別有$500、$1,000現金券或$1,500現金回贈。訂完房再買份禮物俾另一半，就差不多夠數拎現金券或回贈！
經MoneyHero.com.hk 申請額外送$200現金券。
相關文章：香港平靚正 拍拖好去處
相關文章：【 情人節 食乜好？】平靚正情人節晚餐推介2018
——
想了解更多不同信用卡的優惠？即刻上我哋嘅比較平台。
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 【最平1,000蚊有找！】情人節酒店訂房優惠大集合（包住宿食飯） appeared first on 理財資訊.