「世上只有媽媽好，有媽的孩子像個寶！」呢首歌就人人都識唱，但唔知大家平日又有冇好好向母親表達心意呢？今年 母親節 係5月8日，亦係大家向媽媽表達心意同感謝嘅最佳日子！不過講到送禮，大家可能會好頭痕，一來唔知送乜好，二來想買質素好嘅禮物，好易超出預算。所以MoneyHero.com.hk特意為大家搜羅母親節10大禮物精選俾大家參考下，再加上各大商戶嘅折扣同信用卡優惠，包保大家做到孝順仔女之餘，都可以做個精明消費者！
1）鮮花
母親節 送禮，鮮花可謂係必備之選。買靚花想慳多啲，用匯豐信用卡去大使花禮網上訂花，即有9折優惠，如果喺AC Flower Gallery同中西花店買滿$1,000亦都有9折，如果喺呢2間花店訂購節日目錄貨品仲有88折添！喺2000 Flower買正價貨品亦有8折，而且買滿$1,200更送精美玫瑰花束一個！如果怕鮮花易凋謝，大家亦可以考慮訂製保鮮花擺設，啲花經過保鮮處理，通常可以擺2~3年，加埋公仔同裝飾，其實都一樣咁賞心悅目架！
2）服裝配飾
平日各位媽媽可能冇乜時間打扮，做仔女嘅不如買啲靚衫靚鞋俾媽媽！近排唔少人氣商戶都做緊減價，好似UNIQLO就有匯豐信用卡優惠，買滿$500即送$100現金券，下次買嘢滿$200就可以用！想買鞋亦可以留意Walker Shop，佢哋嘅春夏新貨都有8折優惠，買滿$600就有額外9折，買夠$1,500仲有額外7折添！另外，ZAROLA最近亦做緊減價，除咗精選服飾低至半價外，買Mix & Match貨品2件或以上都有額外85折。如果你有東亞信用卡，買正價同減價貨品仲有8折添!
3）珠寶首飾
有邊個女人唔愛珠寶首飾？雖然高檔次嘅首飾價錢比較貴，但只要睇準減價時機一樣可以買到平嘢！最近周生生就喺旺角雅蘭中心分店舉辦尊尚購物展銷會，各款意大利品牌飾品、鑽石同半寶石飾品都減價發售，最平嘅55折就買到！呢個展銷會去到5月8日就完，大家有興趣就要快啲行動！另外，中銀信用卡用戶去英皇珠寶消費都有低至3折優惠，而Citi同建行信用卡喺六福珠寶都會有92折優惠！
4）化妝 / 護膚
唔少母親都可能會有色斑、皺紋或者皮膚鬆弛嘅煩惱，大家不妨買番套好用嘅護膚品俾媽媽用下，保持青春常駐。如果想買開架貨品，可以用手機於卓悦網站賺物，買滿$100即減$10！而莎莎亦做緊大減價，全線彩妝買2件或以上有7折至88折，買香水仲買大送細添！仲有，莎莎同周大福為母親節合作，設計咗「珍愛‧無限」925純銀珍珠吊墜連頸鍊！而家喺莎莎購物淨價滿$100，就可以用$238優惠價換購呢條限量版頸鍊！有化妝品又有頸鍊收，各位母親一定好開心！
如果想買專櫃品牌產品，就要帶定張Citi信用卡，買GLYCEL、H2O+、曼詩貝丹、REGENE等著名品牌都有88折至95折優惠！仲有，最近SK-II亦有個新會員優惠，而家只要買任何神仙水產品，再成為SK-II新會員，就有豐富嘅迎新禮遇，包括喺生日月份獲贈神仙水75ml，禮品總值$608！
5）廚具
比起鮮花，實用嘅廚具同家庭電器可能更合各位母親嘅心意！平日媽媽為家人準備三餐咁辛苦，如果手上有好用嘅廚具，煮飯就更得方便快捷！美亞廚具最近就推出咗母親節禮遇，不黏炒鍋同湯鍋都低至6折，而法國特福精選廚具如煎鍋同單柄煲，亦減價至6折！呢類廚具不粘鑊易清洗，買番套返屋企媽媽以後就唔使洗餐懵啦！另外，而家渣打信用卡用戶去「我愛廚房」買嘢即有9折優惠，如果去Francfranc簽滿$500都一樣有9折！
6）家居電器
想減輕下媽媽嘅日常負擔，買家庭電器就最實際，做乜家務都好方便！其實最近唔少電器商都搞緊 母親節 推廣，例如喺百老匯買滿$500，或者出示會員卡，就送你Crabtree & Evelyn同位元堂購物優惠券各一張。億世家更推出低至2折優惠，做會員仲可以買$1賺1分添！如果用建行信用卡買德國寶嘅大型電器產品或者指定小型家電亦有9折！其實想買平電器，就要記得帶不同信用卡去各大電器舖購物，例如去百老匯就要用恒生信用卡咁。想知多啲，可以參閱：買電器首選5大信用卡。
7）按摩器
平時媽媽要打理家頭細務，好容易做到腰酸背痛。大家不妨買個按摩器俾媽媽用，既可消除肌肉疲勞，亦可以促進血液循環！小編就發現JC Shopper最近推出咗唔少精選按摩產品，無論係按摩眼罩、頸部按摩器還是纖腳按摩墊都有，渣打或DBS信用卡用戶去JC Shopper Lolilpop購物有9折優惠。中銀信用卡用戶去OTO購買按摩器同按摩椅更有低至6折優惠！
8）SPA水療按摩
母親節梗係要俾機會媽媽好好咁放鬆下，而做Spa就係唔錯嘅選擇。而家憑渣打Visa卡可以優惠價$100享受The Mira Hong Kong嘅MiraSpa水療中心設施，同行2位客人亦都可享優惠價。匯豐信用卡用戶喺MiraSpa做按摩、美甲、臉部同身體護理療程都有85折！至於Citi信用卡用戶亦可以喺LCDB Spa同Oasis Beauty憑優惠價享受按摩服務。按此查閱詳情。
9）美容護膚療程
除咗按摩同水療服務外，唔少媽媽都可能有興趣做下護膚療程，令皮膚緊緻啲，自己望落後生啲。而家建行信用卡用戶去Angel Face、Anti-ageing by Bella、Bella科學美肌中心、OASIS Beauty同Nature’s等美容中心都可以憑優惠價體驗各種護膚療程。按此查閱詳情。
10）短途旅行
如果經濟能力許可，大家不妨豪少少請媽媽去個短途旅行放下假！近排就唔少旅行社推出多款旅行團，近近地去下順德同中山飲飲食食，夠晒悠閒寫意！遠少少可去日、韓、台旅遊，行街Shopping 又得，睇靚景名勝亦得！而家Citi信用卡用戶喺東瀛遊有獨家優惠，包括報名日本旅行團同全線自由行套票都可以減$100，如果報精選長線旅行團，每位最多可減$3,000添！按此查閱詳情。
想了解更多不同信用卡的優惠？睇埋我哋嘅信用卡攻略大全，又或者上我哋嘅比較平台。
——
延伸閱讀：香港平靚正 親子活動 好去處
延伸閱讀：最新 超市 x 信用卡 消費優惠！（2016年4月）
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 2016 母親節 嚴選10大禮物 x 信用卡優惠 appeared first on 理財資訊.