香港最多人儲嘅飛行里數計劃莫過於亞洲萬里通（Asia Miles），儲Asia Miles嘅信用卡近來賣到成行成市，幾乎人手一張。之不過，市面上其實仲有好多其他儲里數計劃，例如ANA里數、英航里數(Avios)等。MoneyHero.com.hk就同大家比較下3大里數計劃特點、儲里數途徑以及兌換機票所需里數。
香港常見飛行里數計劃比較
| Asia Miles亞洲萬里通 | 英航里數Avios | ANA Mileage Club | |
| 發起者 | 國泰航空 | 英國航空 | ANA全日空 |
| 主要夥伴 航空公司* |
港龍航空 英國航空 卡塔爾航空 日本航空 澳洲航空 紐西蘭航空 加拿大航空 瑞士國際航空 德國漢莎航空 芬蘭航空 美國航空 中國國際航空 |
國泰航空 卡塔爾航空 日本航空 西班牙國家航空 澳洲航空 美國航空 |
長榮航空 新加坡航空 泰國航空 韓亞航空 加拿大航空 聯合航空 漢莎航空 瑞士航空 紐西蘭航空 土耳其航空 阿提哈德航空 |
| 兌換 多個目的地機票 |
容許2次停站 + 1次缺口行程(Open Jaw) + 2次轉機 | 只限直航，可Open Jaw | ANA航班：容許2次轉機，2次停站或缺口行程 夥伴航班：容許2次轉機，一次停站 |
| 賺取里數方法 |
|
|
|
| 里數有效期 | 3年 | 3年 | 3年 |
| 家庭計劃 | 無 | 有 | 有 |
| * 會員可透過乘搭夥伴航空公司的航班賺取里數，或用里數換取夥伴航空公司的機票。 | |||
亞洲萬里通 Asia Miles：里數最易儲
優點：
- 香港極多信用卡可以儲到Asia Miles，而且兌換率高達$3 = 1里。（詳情：Asia Miles / Avios / ANA 信用卡儲里數攻略 ）
- Asia Miles 同香港多間商戶合作，喺呢啲商戶消費便可賺取里數。
- 可在同一區域內安排多個航段，唔使額外里數，適合長途旅行。
缺點︰
- 整體而言，兌換機票所需里數較其他里數計劃高。
- 由於儲Asia Miles嘅人愈來愈多，熱門航點嘅機票較難兌換。
- 不設家庭帳戶，里數轉贈費用昂貴。
Avios 英航Executive Club：換機票所需里數較少
優點：
- 兌換好多熱門航點機票的所需里數較少，好快換到機票。9,000里飛台灣，15,000里飛沖繩，39,000里就可以飛倫敦。
- 可設立家庭帳戶，一家人用同一個Account儲里數，令儲里數進度加倍。
缺點︰
- Avios嘅獎勵機票以每段航程單獨計算所需里數，較適合「點對點」的短途旅行 喇。（詳見下文介紹）
- 喺香港用信用卡儲英航里數最多都係$6=1里數，唔及Asia Miles儲得多。（詳情：Asia Miles / Avios / ANA 信用卡儲里數攻略 ）
- 較少途徑換取Avios。
想知更多Avios 儲里數攻略？即睇【Avios 儲里數攻略】儲Avios可以有幾快？（附機票兌換表）
Avios 最抵兌換攻略
攻略一：短程航班 / 單程兌換 － 自製 Open Jaw
Avios兌換特點勝在短途航班時所需要的里數很少，而且單程兌換只是來回的一半，比Asia Miles來得抵。因此，自製Open Jaw 玩歐洲或美國都無難度！
理論上，Avios兌換率是根據里程而定，那麼香港飛行到紐約的飛行距離為 8,072里，如果根據兌換里程原理，購買單程應該需要 50,000 Avios。可是，實測只需要 35,000 Avios，這樣Open Jaw以同一Avios兌換率玩轉美洲或歐洲都不成問題，但要行程就要分開買！注意這只限於飛行距離為 7,000 里以上的航班，而且波士頓不包括在內。
例子：「香港 – 洛杉磯」35,000 Avios + 「紐約 – 香港」35,000 Avios = 總共 70,000 Avios（與飛美洲等地相同）
「香港-阿姆斯特丹」30,000 Avios + 「巴黎-香港」30,000 Avios = 總共 60,000 Avios（與飛歐洲等地相同）
***稅項收費會因應機場而有所不同，建議玩Open Jaw時就選擇於較便宜的地點出境，便能節省不少。例如在阿姆斯特丹單程出境需要稅項HK$734，而於巴黎單程出境稅項則需要HK$1,016。最貴的就是於倫敦出境，單程稅項高達HK$2,399.90，不過淡季可以用19,500 Avios換到單程，就當是打和喇！
攻略二：「里數+現金」兌換
「里數+現金」這個補錢兌換的方法是Avios的一大賣點，兌換時系統會提供不同Avios數量的兌換點，你可以因應自己擁有的Avios數量及預算而作調整，富兌換彈性。
例子：
「香港－東京」來回經濟艙機票（來回同一航空公司）
最多Avios：20,000 Avios + HK$443稅項
最少Avios：8,000 Avios + HK$1,483稅項
「香港－東京」來回商務艙機票（來回同一航空公司）
最多Avios：40,000 Avios + HK$513稅項
最少Avios：22,000 Avios + HK$2,113稅項
這項最大優勢是在旺季（如聖誕新年期間）時使用，當HKExpress升到國泰價，國泰升到上商務價時，你可以用以上價錢買到心水航班，價值非一千幾百可以衡量。又或者去度蜜月時，只需要22,000 Avios + HK$2,113稅項就可以搭到商務艙，一生人豪一次都值得。
攻略三：首選英國航空的航班
始終Avios是英國航空的，當然在兌換它的航班時也有點著數，特別是飛倫敦。淡季乘搭英國航空來回倫敦只需 39,000 Avios！因此有英航就搭英航，唔好揀國泰喇，而且英航飛機餐好食咁多，真係抵上加抵！
雖然Avios的缺點就是點對點單程計算，如果要Stopover就要計兩程費用。但因為英國航空的優勢，如果Stopover是在倫敦，而又不是旺季，轉機到其他英國境內的地方，都只計你一程飛往倫敦的錢！這個免費停留倫敦的方法只適用於國際線轉國內線的航班。
例子：從香港出發到倫敦，再轉機到愛丁堡，單程只需要 19,500 Avios，無需添加「倫敦－ 愛丁堡」航線的費用。
攻略四：避開燃油稅
兌換機票時，因航空公司徵收燃油稅的關係，而被收取額外60-70美元的附加費。如果避到燃油稅當然好，以下是不收取燃油稅的航空公司：
美國航空（AA）、LATAM 智利航空（LA）、愛爾蘭航空、日本航空（JL）的國內線、澳洲航空（QF）的國內線、S7 航空的航班
攻略五：來回同一航空公司 + 直航較便宜
Avios以每一單程計算所需里數，獎勵機票不包括停留（Stopover）或轉機（Transfer）。所以若你選擇轉機，它則會計你兩程機票錢，兌換起來非常昂貴。如此看來，選擇直航的航班是相對便宜的。
另外，來回程若選擇不同航空公司，兌換率會較貴。如「香港-東京」去程買日本航空，回程買國泰，共需35,000 Avios，但若來回都選擇國泰或日航，只需標準的20,000 Avios。如果真的需要乘坐不同公司航班來回，建議分開兩個單程購買，雖然稅項會貴一二百元，但好比要多付15,000 Avios！
例子：「香港－東京」購買來回機票：去程日本航空+回程國泰= 35,000 Avios + HK$444稅項
「香港－東京」分開單程購買：去程日本航空 (10,000 Avios + HK$255稅項) + 回程國泰 (10,000 Avios + HK$333稅項) = 20,000 Avios + HK$588稅項
攻略六：自製Stopover X Stopover 攻略
雖然此計劃不設Stopover，但由於Avios換短程較便宜，而且單程航班只是來回的一半，所以有以下自製Stopover玩法：
由於兌換Avios以里程（Miles）計算，例如飛 2000 里的地方 需要 10,000 Avios，飛 3000 里需要 要 12,500 Avios，飛 5000 里卻要 25,000 Avios，拆開 5000里做 2000里和 3000里，既可以多個玩一個地方，也可以也省下2,500 Avios！這個較適合由外國到外國的航班，因為他們的航點較多，轉機選擇也較豐富。
例子：「洛杉磯－利馬」需要 25,000 Avios，但「洛杉磯－墨西哥城」需要10,000 Avios，加多程「墨西哥城－利馬」的12,500 Avios，都只是22,500 Avios！
同樣原理，想以同一Avios兌換率多玩個Stopover，從香港出發也可以這樣做！
例子：
「香港－悉尼」 25,000 Avios = 「香港－峇里」+「峇里－悉尼」= 25,000 Avios，能留在峇里玩幾天；
「香港－洛杉磯」35,000 Avios = 「香港－東京」+「東京－洛杉磯」= 35,000 Avios，可多玩東京。
想知更多Avios換機票攻略？即睇【Avios 換機票教學】如何換機票先最抵？
ANA里程俱樂部： 飛日本首選
ANA里程計劃係好多日本迷既首選，先唔講ANA係大部分人心目中既No.1日本航空公司地位，最重要嘅係 — ANA 嘅 Miles只需17,000里就可以換到一張淡季ANA來回日本機票！而平日同旺季分別要20,000里數同23,000里數。有趣之處係佢將4月櫻花季節列為淡季，17,000里就可以飛去日本睇櫻花，很想要吧？
ANA里程計劃同Avios一樣都設有家庭計劃，不過ANA既條款更為寬鬆，只需要1,000里數就可以將親人嘅里數合併埋一齊，連近親（如表兄弟姊妹）都可以合併，只要5個親人去一轉東京，就可以賺返一張日本來回機票啦！
優點：
- 17000里數換到ANA淡季日本機票（包括北海道），係全部里數計劃之中至抵。
- 提供家族會員服務，可合併全家人嘅里數。
- ANA里數計劃屬於星空聯盟﹙Star Alliance﹚，Star Alliance嘅里數比較少人儲，出機票相對較容易。
缺點：
- 獎勵機票嘅目的地選擇較少，大部分人主要都係換日本機票。
- 香港好少信用卡儲到ANA里數。
里數兌換表（經濟艙 – 基本來回）
用Asia Miles、Avios、ANA里數兌換機票，所需里數各有不同，部分目的地嘅里數差距仲非常明顯，所以揀個啱嘅里數計劃好重要！我哋整理咗一個里數兌換表，方便大家Check下唔同計劃及唔同目的地嘅所需里數：
| 目的地 | Asia Miles亞洲萬里通 | 英航里數 Avios | ANA Mileage Club |
| 台北/高雄 | 15,000 | 9,000 | 20,000 |
| 河內/峴港 | 15,000 | 9,000 | / |
| 胡志明市 | 20,000 | 15,000 | / |
| 上海/杭州/南京 | 20,000 | 15,000 | 20,000 |
| 北京 | 30,000 | 20,000^ | 20,000 |
| 清邁/曼谷 | 20,000 | 15,000 | 25,000 |
| 沙巴 | 20,000 | 15,000 | / |
| 吉隆坡/檳城/布吉 | 30,000 | 20,000 | / |
| 新加坡 | 30,000 | 20,000 | 25,000 |
| 濟州/沖縄 | 20,000 | 15,000 | / |
| 福岡 | 30,000 | 20,000 | / |
| 大阪/東京/名古屋 | 30,000 | 20,000 | 17,000 – 23,000 |
| 北海道(札幌) | 30,000 | 25,000 | 17,000 – 23,000 |
| 首爾/釜山 | 30,000 | 20,000 | 22,000 |
| 馬爾代夫 | 45,000 | 25,000 | / |
| 關島 | / | / | 20,000 |
| 澳洲 | 45,000 | 50,000 | 49,000 |
| 紐西蘭 | 60,000 | / | 49,000 |
| 杜拜 | 45,000 | 40,000 | / |
| 北歐（芬蘭/俄羅斯） | 45,000 | 50,000 | 58,000 |
| 西歐/南歐（意大利/德國/ 法國/西班牙/瑞士/土耳其/希臘） | 60,000* | 60,000 | 58,000 |
| 英國 | 60,000 | 39,000**– 60,000 | 58,000 |
| 溫哥華 | 60,000 | 60,000 | 45,000 (轉機) – 60,000(直航) |
| 多倫多 | 90,000 | 70,000 | 45,000 (轉機) – 60,000(直航) |
| 洛杉磯/三藩市 | 60,000 | 70,000 | 45,000 (轉機) – 60,000(直航) |
| 芝加哥/紐約 | 90,000 | 70,000 | 45,000 (轉機) – 60,000(直航) |
註：
* 用Asia Miles換歐洲機票雖然唔係最平，但Asia Miles換嘅機票可以有2次停站+1次Open Jaw，可以飛多幾個歐洲國家！
** 39,000里數飛倫敦係off-peak 日子先有，英航嘅off-peak 日子可以按此查詢。
^ Avios同ANA都可以用20,000里數飛北京，不過Avios可以換國泰但ANA剩係換到國航，相信大家都傾向揀前者吧！
兌換多站機票 里數計算方法
上表列出咗往返一個目的地嘅所需里數，不過好多人去旅行唔只想去一個地方，咁啲里數又點計？立即睇睇 Asia Miles 、Avios 、ANA換機票嘅各種限制：
Asia Miles 獎勵機票
一套獎勵機票容許目的地以外有2次停站 (Stopover) + 1次缺口行程 (Open Jaw) + 2次轉機（停留不多於24小時） ，大家可以藉此遊覽多個目的地，而Asia Miles剩係會 Charge 你一次里數。
例子：
香港HKG =>東京NRT (Stopover)
東京NRT=> 札幌CTS (Stopover)
札幌CTS =>台北TPE (Open Jaw)
高雄KHH =>香港HKG
以上例子中嘅行程最遠係去北海道 (30,000里數)，所以成套機票用Asia Miles換只需要30,000里數。相反，如果你剩係飛香港<=>北海道都係收你30,000里數。目的地可以自由配搭，大家可以上亞洲萬里通網站計算旅程的所需里數。
Avios 獎勵機票
獎勵機票Avios嘅獎勵機票唔包Stopover同轉機，剩係可以Open Jaw。換句話說，如果好似上面例子咁玩法，Avios會每一程計算里數。
例子：
香港HKG =>東京NRT – 10,000 Avios
東京NRT=> 札幌CTS – 7,500 Avios
札幌CTS =>福岡FUK – 10,000Avios
福岡FUK =>香港HKG – 10,000Avios
總計：37,500Avios
結論：Avios比較啱單個目的地來回。
ANA 獎勵機票
如果選搭ANA航班，一套機票就可以有2次停站或缺口行程+2次轉機，比Asia Miles少一次，但都可以去到3個地方，對好多人而言都幾夠用。如果一次過去3個日本城市，總計都只需17,000里數。
飛行里數信用卡
DBS Black World MasterCard
可儲里數計劃：Asia Miles、Avios、Krisflyer、鳳凰知音
DBS 啱啱公佈可以儲Avios，姐係話Asia Miles同Avios都儲到，而且兌換率一樣！本地簽賬HK$6=1里，外地簽賬HK$4=1里，而且積分無限期，大家可以慢慢儲里數換機票都得。此外，佢哋獨家嘅iGO Rewards 系統仲可以俾大家用DBS$ 以市價55折換唔同航空公司嘅機票，連廉航機票都可以換得到，彈性比其他里數信用卡更大。
2018年5月31日前申請此卡，可享高達80,000里數的迎新優惠，包括首HK$5,000本地簽賬HK$1=1里，其後本地簽賬HK$5=1里（上限47,000里），首HK$70,000海外簽賬享HK$2.5=1里。經MoneyHero.com.hk網上申請再額外送HK$100超市現金券或HK$50超市現金券+HK$100 Klook e-Coupon。詳情
美國運通國泰航空尊尚信用卡
可儲里數計劃：Asia Miles
美國運通國泰航空尊尚信用卡主打Asia Miles，頭3個月本地簽賬即有HK$5=1里，再加上簽滿HK$5,000即送5,000里數，經網上申請送多1,000里數，加埋至少有7,000里數！迎新期後，本地簽賬有HK$6=1里優惠，海外消費都係HK$4 = 1里。呢張卡於網上買國泰機票HK$6=2里，有埋Priority Pass每年免費享用4次全球逾700所機場貴賓室，又可以全年無限次享用環亞機場貴賓候機室，適合經常外遊嘅朋友。
2018年5月31日前，新客戶經MoneyHero.com.hk申請再獨家送額外HK$200超市禮券。詳情
Citi Premier Miles信用卡
可儲里數計劃：Asia Miles、Avios、Krisflyer 等14間航空公司里數計劃
Citibank 積分可兌換多達14間航空公司積分，其中包括Asia Miles和Avios！本地消費HK$6=1里，海外消費一律有HK$4=1里。如果當月簽帳滿HK$20,000以上，海外及外幣簽帳可獲HK$3=1里，而且豁免兌換里數手續費，積分仲永久生效唔怕過期。除此以外，每年仲可以免費享用環亞機場貴賓室/Wellness Spa & Salon服務12次（使用後30日內要簽帳滿HK$5,000），拎住呢張卡去旅行大掃貨買到腳仔軟都可以做番個Spa Relax下！
迎新獎賞仲有4款俾你揀，發卡後首2個月內累積達到指定簽賬額，可獲高達108,000積分、HK$600惠康現金券、HK$800 HKTVmall 電子禮券或myTV SUPER解碼器12個月基本版！詳情
大新英國航空白金卡
可儲里數計劃：Avios
呢張係英國航空的聯營卡，儲Avios人士必備！本地簽帳每 $6= 1 Avios里數，海外簽帳每$6 = 1.5 Avios里數，生日當天簽賬每$6 = 2 Avios里數！憑卡於英航網站訂購機票，可享雙倍Avios飛行積分 (HK$6=2 Avios飛行積分)，仲可以獲得機票9折優惠。迎新方面 ，發卡後首2個月內簽帳滿HK$6,000或以上，獲贈4,000 Avios里數！
大新ANA香港白金Visa卡
可儲里數計劃：ANA里數
其實唔使點揀，喺香港儲ANA里數一定係用佢架啦！所有本地及海外簽賬 HK$8 = 1 ANA里數，八達通自動增值都有得儲。卡主乘搭ANA集團航班，除可累積基本里數外，更可享額外25%里數奬勵。喺香港機場出示ANA白金香港Visa卡，仲可以喺商務客艙櫃位優先辨理登機手續。迎新方面，首3個月內簽賬滿HK$5,000，即可享5,000 ANA里數。
按此了解其他大新信用卡詳情。
東亞銀行Flyer World萬事達卡
可儲里數計劃：Asia Miles
東亞 Flyer World 萬事達卡主打Asia Miles回贈！全新客戶於發卡後頭2個月簽賬滿HK$9,000方可獲享9,000里數，即係HK$1=1里！推廣期後不論係本地、海外定網上簽賬都有HK$5=1里優惠，而且仲不設最低簽賬要求添！連網上繳費、自動轉帳都有HK$8=1里。仲有，呢張卡嘅積分有效期都有成5年，仲可以豁免兌換里數手續費！詳情
渣打亞洲萬里通萬事達卡
可儲里數計劃：Asia Miles
渣打亞洲萬里通萬事達卡係「亞洲萬里通」嘅聯營信用卡，每個月月尾都會自動將賺到嘅Asia Miles里數存入你嘅「亞洲萬里通」戶口，唔使任何兌換手續費！呢張信用卡主打飲食、網上及海外簽帳回贈，呢3個類別全年都HK$4=1里！由即日起至2018年5月31日，全新客戶經網上成功申請，喺迎新期頭2個月內，首HK$7,500消費都會有簽HK$0.5=1里數優惠，共15,000里數，已經夠換一套來回台灣機票！其後嘅HK$45,000消費都會有簽HK$3=1里數優惠，最高可獲15,000里數，即合共最高可獲30,000里數。詳情
其實適合儲飛行里數嘅信用卡又點止呢幾張吖！想知多啲飛行里數信用卡嘅詳情，立即瀏覽我哋嘅比較平台，邊張卡嘅優惠最啱你自然一目了然啦！
延伸閱讀：Asia Miles / Avios / ANA 儲里數途徑+信用卡攻略
相關文章︰【飛行里數攻略】 Fortune Wings Club Vs Asia Miles 邊個儲里數快啲？
相關文章︰【飛行里數攻略】 儲里數 /換機票10大常見問題
——
想了解更多不同信用卡的優惠？即刻上我哋嘅比較平台。
想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！
The post Asia Miles / Avios / ANA 3大里數計劃比較2018（附里數兌換表） appeared first on 理財資訊.