一講到飛行里數，大家好可能第一時間就諗起「亞洲萬里通」。無他嘅，最近張渣打亞洲萬里通萬事卡迎新優惠咁著數，可能大家手上都已經有一張。之不過，市面上其實仲有好多儲里數計劃，包括ANA、Avios同MileagePlus，其中「金鵬俱樂部 Fortune Wings Club 」唔知大家又聽過未？究竟Fortune Wings Club同Asia Miles有乜唔同？邊個計劃又比較適合你呢？而家等MoneyHero.com.hk為大家講解下！
1. 金鵬俱樂部係乜嚟？
金鵬俱樂部 Fortune Wings Club （FWC）係海南航空、香港航空及大新華航空等航空公司共用嘅飛行常客獎勵計劃。你可以賺取FWC積分，兌換免費機票、艙等升級、酒店住宿同其他獎賞。
2. 點樣賺取金鵬積分?
方法1：乘搭香港航空及合作航空公司嘅航班
你可以乘搭香港航空同其他合作夥伴嘅航班賺取FWC積分，而FWC積分係按你所乘搭嘅艙位級別同實際飛行距離（公里）計算出你可以賺取嘅FWC金鵬積分。商務艙乘客可以賺取高達飛航距離130%同200%的積分，而經濟艙則可以賺取飛航距離10%、30%、50%同100%的積分，視乎艙位而定。
「亞洲萬里通」係以英里計算，而1英里約等於1.6公里，同「金鵬俱樂部」相比起來，如果單靠搭指定航空公司航班，儲飛行獎賞會較為慢。譬如香港來回東京，實際飛行距離為5,866公里（等於約3,646英里），如果坐香港航空嘅經濟客艙B/H/K/L/M艙位，按照比率可以賺5,866 FWC積分，要換免費來回東京機票需要38,000積分，即係來回東京7次就可享一程免費。至於「亞洲萬里通」，如果改為坐國泰經濟艙位賺里數，就賺到3,682里數，免費換來回機票要30,000里數，即係要來回東京9次至換到，比前者耐少少。想知道每程旅程可以賺到幾多積分，可以參考香港航空嘅積分計算器。
方法2：惠顧指定商戶
惠顧指定商戶就可以賺取FWC積分，例如於指定網站Kaligo.com和Booking.com預訂酒店，可分別享每US$1=3.15積分及US$1=2.5積分。透過AVIS或Rentalcars.com租車，每個訂單都可以賺500積分。而租賃汽車及購買指定保險產品亦同樣有得賺取積分。按此了解詳情。
方法3：憑信用卡簽賬賺取FWC積分
1）建行（亞洲）香港航空Fly Away信用卡
迎新優惠：首3個月內簽賬滿HK$3,000即送6,000 FWC積分
簽賬優惠：本地簽賬$6 = 6 信用卡積分 = 1 FWC積分；海外簽賬$4 = 6 信用卡積分 = 1 FWC積分
而家成功申請建行（亞洲）香港航空Fly Away信用卡，就可以自動登記加入香港航空飛行常客計劃金鵬俱樂部。只要於首3個月內簽賬滿$3,000或以上，即可賺6,000 FWC積分。呢張卡嘅簽賬優惠同一般儲亞洲萬里通里數嘅信用卡相若，如果於2017年3月14日前用呢張卡作任何網上簽賬更有3X積分（即每簽賬$2 = 6分信用卡積分 = 1 FWC積分），如果於指定運動、娛樂同休閒服飾商戶簽賬更有10X積分，即每簽$3有30分信用卡積分，相等於5 FWC積分。
其他優惠：
- 乘坐香港航空任何艙位，同行親友可每年5次免費享用香港航空機場貴賓室「紫荊堂」。
- 於生日月份內累積簽賬滿HKD3,000可享額外1,000 FWC積分，以1折積分兌換升艙。
- 優先尊享5折Fortune Wings Club積分兌換精選機票。
- 每累積3,000信用卡積分，即賞500 FWC積分。
- 積分有效期長達2年。
2）ICBC香港航空Visa白金卡
迎新優惠：首2個月簽滿$3,000，即賺3,500 FWC積分
簽賬優惠：本地及海外簽賬$8 = 8 信用卡積分 = 1 FWC積分
同建行張卡相比，ICBC呢張信用卡嘅迎新優惠唔算特別吸引，而且簽賬優惠亦係建行張卡比較優勝。不過如果連同建行張卡同時申請，夾埋簽$6,000就可以賺9,500 FWC積分。
其他優惠：
- 每年免費享用香港航空機場貴賓室5次，同行親友或附屬卡持卡人則可以優惠價一同享用服務。
- 積分有效期長達3年。
- 任何單一零售簽賬滿HK$800，即可憑簽賬存根於MCL戲院尊享2D正價電影戲票買1送1。
- 想了解更多ICBC信用卡，請按此。
3. 儲夠FWC積分可以換到乜飛行獎賞？
從上表可見，香港航空提供航點主要集中喺中國內地、日本同其他東南亞國家，有部份更係「亞洲萬里通」冇嘅添。但如果想去歐美國家就選擇「亞洲萬里通」比較適合。
除咗兌換獎勵機票外，FWC積分都可以用嚟兌換升艙服務、貴賓休息室服務、酒店住宿同其他商品。按此了解更多詳情。
「金鵬俱樂部」VS「亞洲萬里通」總結：
講咗咁耐，究竟「金鵬俱樂部」好啲定「亞洲萬里通」好啲？其實都係視乎你個人習慣同需要。
優點：
1）FWC積分係以公里計算，如果單靠坐指定航空公司嘅航班儲里數，咁儲FWC積分會比「亞洲萬里通」快一啲。如果你成日會搭香港航空或其他合作航空公司嘅航班（包括海南航空、阿拉斯加航空、阿提哈德航空同柏林航空），賺FWC積分其實幾划算。
2）FWC有冷門航點選擇，特別是日本，包括鹿兒島、宮崎、岡山同米子。
3）不時有5折積分機票兌換限時優惠，會員可以用5折積分兌換精選機票，最平嘅11,000積分已可換到台北機票，去日本宮崎同泰國喀比都只係19,000積分。
4）FWC同大型積分交換平台Points.com合作，可以將FWC積分兌換成其他知名航空公司里數同商戶積分。
缺點：
1）航點選擇少，大部分集中喺中國內地、日本同紐澳地區，冇西歐、南歐同美加等國家。如果想去歐美地區，咁亞洲萬里通就啱你多啲。
2）目前可以儲FWC積分的信用卡只有建行（亞洲）香港航空Fly Away信用卡同ICBC香港航空Visa白金卡，而且參與商戶較少，冇亞洲萬里通咁方便快捷。
3）如果想以信用卡本地簽賬賺取FWC積分，咁你可能要更高嘅簽賬額至賺到足夠積分。以東亞Flyer World萬事達卡為例，所有簽賬均為$5=1里數，如以去台灣要15,000里數計算，即要簽$75,000。如果用建行（亞洲）香港航空Fly Away信用卡賺取FWC積分，每$6=1 FWC積分，以去台灣需要22,000積分計算，要簽$132,000至足夠，幾乎為前者嘅一倍！當然如果你能夠把握5折積分機票兌換嘅限時優惠，咁簽$66,000就夠，比「亞洲萬里通」平差唔多一萬蚊。
簡單嚟講，「金鵬俱樂部」適合成日坐香港航空或其他合作航空公司航班嘅朋友，但如果本身唔算係飛行常客，想靠日常消費儲里數嘅話，咁「亞洲萬里通」無論喺參與商戶定信用卡上多較為優勝，而且航點選擇亦比前者多好多添！
睇咗咁耐，都係覺得「亞洲萬里通」啱你多啲？不如睇下我哋嘅「飛行里數攻略大全」，了解下有咩方法可以儲Asia Miles，仲有邊張信用卡最啱用嚟儲里數！
【獨家優惠提提你】由而家至2016年11月30日，全新客戶只要於同親友組隊，並透過網上申請渣打亞洲萬里通萬事達卡，每位全新客戶都可以賺多4,000里數。如果你經MoneyHero.com.hk申請呢張卡，同我哋組隊，就可以尊享Team MoneyHero嘅5,000里數優惠，比其他人再賺多1,000里數！立即按此睇睇優惠詳情！
（溫馨提示：計劃旅遊假期，記得要買旅遊保險！即上我們的比較平台選擇最適合你嘅旅遊保險！有Allied World、FWD同MSIG等不同計劃俾你揀，經我哋買仲有優惠添！）
想知道更多信用卡嘅優惠資訊？立即使用我哋嘅比較工具，搵出最適合你嘅信用卡！
——
延伸閱讀：【外遊必讀】6大 信用卡 安全措施
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 【飛行里數攻略】 Fortune Wings Club Vs Asia Miles 邊個儲里數快啲？ appeared first on 理財資訊.