成日聽歌嘅你又點少得一個手機音樂Apps，俾自己去到邊、聽到邊！但係講市面上有Spotify、Apple Music、KKBOX、MOOV、JOOX咁多隻 音樂串流 Apps，究竟邊隻最抵最啱自己用？MoneyHero.com.hk為大家逐個捉，從免費試用、收費計劃、歌庫、音質到信用卡優惠逐一比較，務求幫你揀到啱！(2018年7月更新資料)
| MOOV | Spotify | Apple Music | KKBOX | JOOX | |
| 免費試用 | 14天 | 免費永久使用普通版或免費試用Premium 版30日 | 3個月 | 7天 | 免費使用普通版或付費升級VIP版 |
| 個人月費 | $49/月 | $58/月 | $58/月 | $58/月 | $43/月 |
| 學生優惠 | $24/月 | $29/月 | $28/月 | $294/360日 | 沒有 |
| 家庭計劃 | 沒有 | $88/月 （6人家庭） |
$88/月 （6人家庭） |
$79/月 （3人家庭） |
沒有 |
| 音樂風格 | 音樂治療師歌單，網上音樂會 | 以歐美歌曲為主 | 專業DJ電台，較少華語歌曲 | 主打日、韓、台及華語歌曲 | 主打香港本地歌曲 |
| 歌庫數目 | 逾100萬首 | 逾3,000萬首 | 逾4,500萬首 | 逾4,000萬首 | 逾100萬首 |
| 離線收聽 | 可以 | 可以 | 可以 | 可以 | 可以 |
| 歌詞同步 | 可以 | 不可以 | 可以 | 可以 | 可以 |
| 最高音質(付費版) | 1411kbps FLAC | 320kbps AAC | 256kbps AAC | 320kbps AAC | 256kbps AAC |
1）KKBOX：最齊亞洲本地歌
講到開創音樂串流嘅先河，一定係2009年就進軍香港嘅KKBOX，面對其他唔同聽歌Apps嘅挑戰，KKBOX依然不斷創新，當中嘅「一起聽」最為特別，用戶可以隨意跟隨其他用戶「台長」，一齊聽佢嘅專屬Song List，十足十好似聽電台DJ咁；唔止咁，歌手同用戶仲可以有互動嘅機會，收費用戶仲可以同歌手一齊傾計唱歌，咁「貼身」嘅聽歌功能，相信不少香港人都受落！
講到價錢，其實KKBOX的優惠最多元化，除咗有每月$49計劃之外，KKBOX又與3電訊及SmarTone 分別推出2個月免費試用及全年$528優惠不同，而且仲有其他不同類型優惠計劃。
KKBOX更推出平價家庭共享計劃，只需月費 HK$79 即可三人共享「白金會員」服務！
這個家庭共享計劃提供「1 主帳戶 + 2 子成員」，3 位用戶均可使用白金會員的所有功能，並有相互獨立的登入帳戶及個人化歌單。（注意：主帳戶及兩位子成員必須輸入相同的居住地址！）
此外，KKBOX與匯豐HSBC、星展DBS、花旗Citibank及恆生信用卡均有推出合作優惠︰
- 星展DBS信用卡：單次購買365日 HK$499。
- Citibank 信用卡︰以原價買3個月送1個月，121日起每月HK$44。
- 匯豐HSBC信用卡：專享優惠首月$9.9，31日起HK$44。
- 恆生信用卡：專享優惠首月$9.9，第二個月起HK$44。
- 大新ONE+信用卡：新客戶成功申請ONE+信用卡，並於首2個月內累積合資格簽賬滿HK$2,500或以上，可享12個月免費KKBOX白金會員帳號。
以上優惠期至2018年12月31日
星展信用卡推介︰DBS Black World MasterCard
星展銀行Black World MasterCard 海外簽賬$4 = 1里，本地簽賬$6 = 1里，回贈率高之餘仲勝在夠「彈性」！因為回贈係以DBS$形式存入信用卡戶口，你可以揀將DBS$兌換成Asia Miles或Avios里數（免手續費），或者直接上DBS iGO Rewards平台用DBS$以市價55折購買機票。
以台灣來回機票為例，機票平嗰陣只需約DBS $450，抵過先換里數再換台灣機票！你知啦，而家啲機票經常劈價，呢張卡嘅好處係可以計完數再決定換里數還是直接換機票，包冇蝕底！
2018年9月30日前申請此卡，全新客戶可享高達84,000里數或高達DBS$2,540迎新獎賞！首HK$5,000本地簽賬HK$1=1里，其後HK$235,000本地簽賬HK$5=1里（上限47,000里），首HK$70,000海外簽賬享HK$2.5=1里（上限28,000里）。新客戶於2019年4月30日前，透過DBS Omni用DBS$兌換5,000 Avios或以上，即額外送4,000 Avios（合共低至HK$0.56=1 Avios）！除此以外，現有客戶亦可享高達3,000里迎新獎賞。 2018年7月31日前經MoneyHero.com.hk成功申請，再獨家獲贈額外HK$150超市禮券或HK$200 Klook e-Coupon！詳情
Citibank信用卡推介︰Citi Cash Back Card
Citi Cash Back Card主打餐飲現金回贈，所有本地食肆及酒店簽賬*可獲2%現金回贈； 海外幣簽賬亦有2%回贈兼免外幣簽賬手續費；其他本地簽賬則享1%現金回贈，用呢張卡登記埋八達通自動增值，都有1%回贈，全部不設上限。而年薪要求只需24萬港元，係全港最容易申請嘅VISA Signature卡之一，持卡人更專享多個酒店餐飲買一送一優惠。
2018年7月31日前經MoneyHero.com.hk成功申請Citi Cash Back Card，仲額外送HK$500 HABITŪ禮券 或 HK$300 HABITŪ禮券 + HK$200超市禮券！詳情
2）MOOV：自家炮製Live MV、「音樂治療」為你減壓
PCCW旗下音樂平台MOOV為香港首個本土音樂App，出名有「自己Style」，以用心製作嘅自家內容取勝，佢哋周不時都會自家炮製MOOV Live演唱會而製成MV，十分唔話得。除咗廣東歌、華語歌、K-POP、J-POP、海內外歌曲，仲有「跑動音樂」配合你運動時個beat！
佢哋嘅功能音樂「音樂治療」亦係全城獨有，會喺每日不同時段推介有助減壓同放鬆嘅音樂，仲有專業音樂治療師製作嘅聲音導航歌單，實行以歌曲治癒你的心靈。仲有一樣MOOV十分抵讚嘅地方，就係佢提供無損壓縮音樂，對音質高要求嘅你自然識揀啦！
MOOV亦推出學生優惠計劃，月費為HK$48，第7至第12個月免月費，平均只係HK$24/月！優惠期至2018年12月31日。7月31日前登記，另可享1個月MOOV連Viu升級會員服務，收費為例58。
另外，星展DBS、恒生、匯豐HSBC、同建行信用卡持有人都有著數！推廣期去到2018年12月31日︰
- 星展DBS信用卡︰HK$39/月（慳HK$10）
- 恆生信用卡：HK$39/月（慳HK$10）
- 匯豐HSBC信用卡：HK$39/月（慳HK$10）
- 建行信用卡：HK$39/月（慳HK$10），自由約HK$44/月（慳HK$5）
HSBC匯豐信用卡推介︰HSBC匯豐銀行銀聯雙幣鑽石卡
呢張卡嘅最大賣點就係其「最紅自主獎賞計劃」，登記咗呢個計劃之後，回贈率就會提高好多。舉個例，如果大家將所有「獎賞錢」分配喺「賞世界」或「賞中華」，就會得到6倍嘅獎賞錢，計落即係可享有2.4%回贈或$4.17=1里的優惠。再加上最近推出嘅「最紅網上及海外簽賬獎賞」計劃，加加埋埋總共4.4%回贈，銀聯卡嚟講，出外旅行唔少得佢。
建行信用卡推介︰建行港航Fly Away信用卡
雖說香港大部分人都儲亞洲萬里通里數（Asia Miles），但其實都有其他里數選擇，例如金鵬俱樂部積分計劃（Fortune Wing Club，簡稱FWC）！
想賺FWC積分，建行港航Fly Away信用卡係唔錯嘅選擇：所有本地簽賬包括八達通自動增值都享有$6=1FWC分，網購（無論本地定海外）以及外幣簽賬可以賺$2=1FWC分，而於指定商戶簽賬更可賺$0.6=1FWC分。你可能會以為一定要好多分先換到機票，其實只係比Asia Miles 貴少少，例如來回一次東京，就需要3.8萬FWC分（Asia Miles需要3萬里 ）！
網購、海外消費原本可以賺$4=1FWC分，而指定商戶消費原來可以賺$6=1FWC分，因為有額外積分先會高達$0.6=1FWC分。唯一限制係，呢張卡賺取的額外積分係有上限，每個階段（約一個月）額外積分上限為4166FWC分，每年最多可賺額外5萬FWC分。
3）Spotify：外國歌粉絲恩物
來自瑞典嘅Spotify喺2008年推出，直至2013年先正式進軍香港，亦都係打正旗號以「免費」聽歌吸客，當中雖然會有聲音廣告夾雜，但仍然吸引不少年輕人使用。如果想體驗無廣告嘅Premium版本，首1個月免費試用，之後每個月就要比$58，而且暫時無任何信用卡優惠。貴為外國音樂串流App嘅佢，外語歌曲當然係比較齊全，主頁嘅大部分推介都係外國歌手，啱晒一眾鍾意外語歌曲嘅樂迷。
除此之外，Spotify另一賣點就係介面有型同埋Daily Mix function，可以依照你聽開嘅歌，制定一份最啱你嘅Playlist！
4）Apple Music：家庭月費Plan每人只需$14.6
2015年7月Apple Music登錄香港，推出3個月免費使用。完咗想繼續用，不妨搵埋親戚朋友，6個Apple ID 就可以Share音樂串流，每人平均只係$14.6一個月，算係市面上最平選擇！而且，而家支援埋Android手機，想搵朋友仔夾錢用又易咗啦！加上Apple Watch都可以用上嚟聽Apple Music，啱哂鍾意跑步聽歌嘅你！
Apple Music最大特色就係具有眾多廣播電台，當中嘅Beats 1廣播電台、專業 DJ品味歌單等，都係小編推薦嘅Song Lists！加上Apple Music俾你下載歌曲後無限次離線收聽，iCloud音樂庫俾你儲存多達100,000 首歌，隨時隨地想聽乜歌乜都冇難度啦！
同Spotify 一樣，Apple Music 暫時沒有任何信用卡優惠。
5）JOOX：土炮元素任你聽
【限時優惠】由即日起至2018年7月31日，首次付費用戶申請VIP月費計劃，即可享首3個月免費！
呢個聽歌App最大好處就係俾你免費聽歌！當然呢個世界冇Free Lunch，當中嘅限制包括有隨機播放、不能聽盡歌庫音樂及不能下載歌曲，但如果聽歌唔算高要求嘅你，JOOX俾你免費聽歌自然係個唔錯選擇！想有更佳體驗亦可升級至VIP版，只需$43，原價平絕5大熱門聽歌App。有時仲會推出限時儲值優惠。
JOOX另一最大特色就係其濃厚嘅本地元素，細心留意你可以見到佢哋嘅本地熱播榜夠Update之餘又幾齊，皆因JOOX已與3大唱片公司環球、Sony及華納等簽約，而且囊括咗不同熱門嘅中、英、日、韓語歌曲，迎合唔同歌路嘅香港人口味；而且喺編輯推介入面，都係由音樂編輯團隊揀歌，好似最近萬聖節就推出「撞鬼的故事」等主題，節日氣氛濃厚！
同Spotify同Apple Music 一樣，JOOX 暫時沒有任何信用卡優惠，
相關文章︰香港 演唱會攻略2018
想了解更多不同信用卡的優惠？即刻上我哋嘅比較平台。
想知道更多信用卡優惠，即上MoneyHero信用卡比較平台，或留意 MoneyHero.com.hk Blog，同埋緊貼我哋嘅 Facebook Page！
The post 【聽歌必備】5大香港音樂串流 Apps大比拼 (2018年7月更新) appeared first on 理財資訊.