早幾日投資教育中心公布一項有關結婚開支嘅調查結果，發現有6成新人籌備婚禮都有「使大咗」，當中更有1成人超支近5成添！結婚固之然高興，但唔審慎理財，隨時搞到負債纍纍。不如試下用手機理財慳錢Apps，同伴侶一齊計劃開支預算。MoneyHero.com.hk就為大家嚴選以下5個免費嘅理財慳錢Apps。
1. WeVow：情侶共用帳號，齊齊記錄婚禮進度同開支預算！
下載：iTunes / Google Play
WeVow係ESDlife新婚生活易推出嘅婚禮應用程式，情侶可以設立共用專屬帳號，一齊記錄婚禮進度表同開支預算表。開支預算嘅圖表同版面設計都幾簡潔清晰，剩低幾多Budget一睇就知。
呢個App仲提供全港多間婚禮商戶資料，包括婚戒首飾、攝影攝錄服務、籌備海外婚禮同蜜月旅行嘅公司等，睇啱嘅可以Save低，加入婚禮進度表，亦可以俾評分同寫評論。如果你加入咗ESDlife會員更有折扣優惠添！
2. Wedding Directory ：搜羅優質婚禮商戶，唔怕嘥錢中伏！
下載：iTunes / Google Play
結婚最煩就係唔知點揾啱心水嘅服務商，咁「婚禮商戶指南」可能幫到大家！Apps內提供超過1,700個婚禮商戶嘅資料，無論係婚宴酒席、婚紗禮服、婚照攝錄、場地布置抑或蜜月旅行嘅商戶都列齊晒電話同網址等。指南內有唔少獲選為「優質婚禮商戶」嘅商戶，佢哋亦不時推出特別優惠，既可慳錢，又可以減少中伏機會！
3. Wedpics：Big Day自己做攝影師，曬相錢慳番！
網站版：https://www.wedpics.com/
下載：Itunes / Google Play
Wedpics係一款免費嘅自製婚禮相簿App（另外亦設網頁版），新人只要免費註冊ID，又或者利用Facbook帳戶登入，就可以建立屬於自己嘅私人相簿。然後再以短訊、Facebook或Email將ID Send俾親友，所有人就可以透過App上載同下載婚禮當日所拍嘅相片/影片，亦可以留Comment同俾Like，分分鐘連攝影師嘅錢都慳番。除咗可以開設多個相簿外，照片數量都冇限制。仲有，你可以利用Wedpics自製邀請卡，或透過Email、Facebook等Send Message通知親友。
4. 婚Page：開支預算分類仔細
下載：Itunes / Google Play
婚Page 同樣羅列咗婚禮服務商戶嘅資料，但數量比WeVow同婚禮商戶指南少，而且有少量商戶廣告，但值得一讚嘅係Apps內有得睇商戶作品，多個參考頗為方便。App同時又設有「進度管理」，按照婚禮1年前、6個月前、2星期前等時期列出各項應做項目。
「財政預算」功能就按各類支出項目如宴會場地再細分為多個項目（如婚宴酒水、場地布置同花品），而且有得計算每個項目嘅預算同支出，可以隨時Check住邊部份超支，仲有個Apps有匯出功能，可以將支出表透過電郵、藍牙同Skype等途徑傳送出去。
另一個比較特別嘅功能係「賓客名單」，用家可以輸入賓客名稱、人數同枱號等資料，用App統計賓客人數同席數，Check住自己寄出邀請未。
5. GaiFong：租用婚禮用品，慳錢又環保！
下載：Itunes / Google Play
籌備婚禮其實有好多嘢都只係喺Big Day用一次，譬如花球、襟花同手花咁，與其買番嚟用一次就放埋一邊唔用，倒不如利用GaiFong借物平台向其他用戶借嚟用1-2日啦！價錢最低嘅都只係每日幾蚊，又唔駛囤積雜物，一舉兩得！
根據2016年全港結婚消費調查結果，新人籌備婚禮嘅平均開支超過30萬，當中酒席更要成16萬！即睇【 結婚要幾多錢？】籌備結婚的開支預算2016，Plan Budget時多個參考。
想慳更多，梗係要準備定幾張好嘅信用卡用嚟賺現金回贈同飛行里數，計落可以慳番唔少錢！而家唔少信用卡都推出豐富嘅迎新優惠，只要睇準時機申請，食正個迎新優惠，要賺2張免費機票去度蜜月都不成問題！即睇：【結婚可賺好多里數？】 結婚 儲里數必備信用卡2016
想了解更多不同信用卡的優惠，即上我哋比較平台。或即按此睇睇不同銀行嘅信用產品啦。
——
延伸閱讀：香港平靚正 拍拖好去處
延伸閱讀：情侶必備： 拍拖 約會首選5大信用卡
想知道更多優惠資訊同慳錢方法，就要留意MoneyHero.com.hk Blog，同埋緊貼我哋嘅Facebook Page！
The post 【結婚必備】籌備 婚禮 5大慳錢Apps appeared first on 理財資訊.