眨下眼，2016年就快完，大家今年過成點呢？無論過得好定唔好，嚟緊2017年都係一個新嘅開始。想為2016畫上完美嘅句號，當然唔少得參加 除夕倒數 ，MoneyHero.com.hk 精選咗幾個除夕倒數好去處，幫大家搵個好地方一起歡送2016，迎接2017！
1）香港跨年煙火倒數2017
講起 除夕倒數 ，又點能夠唔提旅發局主辦的維港除夕煙花匯演呢？今年的匯演由以往嘅8分鐘加長至10分鐘，合共8幕。今年有3款新設計的煙花圖案，包括「海中禮炮」、「六星連環」及「蝴蝶飛舞」。在匯演開始1小時前每隔15分鐘，沿海多幢建築物會發放名為「許願流星」的煙花，等大家可以為新一年許願。
另外，旅發局今年會在煙火匯演開始前，喺尖沙嘴碼頭一帶首設「街頭派對」，到時本港樂隊Supper Moment、歌手林奕匡等嘉賓會到場送上精采表演，營造歡樂氣氛。
街頭派對－ 晚上約10:00
地點：尖沙咀碼頭一帶（鄰近星光行）
許願流星 － 晚上11:00、11:15、11:30、11:45
地點：維多利亞港兩岸
煙火音樂匯演 － 午夜12:00
地點：維多利亞港兩岸
2）觀光船夜遊維港
除夕睇煙花年年都人山人海，預咗要同人逼，不過喺海中心觀賞就冇呢個問題喇！
有本地旅行團舉辦除夕倒數團，參加者會於當晚10時左右登上觀光船，觀賞維港港兩岸聖誕及除夕燈飾。搭正12點，更可於船上觀賞燦爛的煙花匯演，慶祝新一年來臨。除夕觀光船嘅名額應該非常搶手，建議有興趣嘅人要及早報名！查看有關資訊
3）東港城：Cheers To 2017 Countdown Party
每年除夕，各大商場的倒數派對均會邀請明星助陣，讓大家估唔到嘅係，今年最大粒「星」將會出現於將軍澳東港城。佢係邊個？就係「明福俠」黎明！聽聞黎明今次仲係首次出席除夕跨年活動。
除咗黎明之外，鄭俊弘、劉佩玥、張彥博、嚴祺@Showoff、吳偉豪和谷微都會出席當晚派出。想知佢哋會同大家玩乜，就要早啲去東港城霸個靚位了。
時間：2016年12月31日 晚上10:30 ‑ 翌晨00:05
地點：東港城一樓中庭
4）AIA歐陸嘉年華
如果想2016年嘅最後一日在刺激玩樂中度過，去嘉年華絕對係你嘅首選。AIA嘉年華今年一如既往有機動遊戲、攤位遊戲、巡遊表演、中環摩天輪、歐陸美食市集等數之不盡嘅活動，而且除夕當晚將延長開放時間至凌晨1點，玩到咁上下又可以同大家一齊倒數，氣氛一定好正！
除夕開放時間：早上11:00至翌日凌晨01:00
地點：中環新海濱活動空間
門票： 成人$125（包10個代幣）、小童（3-11）或殘疾人士$90（包7個代幣）、3歲以下/65歲或以上長者免費入場。
5）Party Room狂歡
除夕一向係狂歡嘅好日子。想約埋一大班Friend一齊玩餐飽，都係包場最方便！
近年港九新界都開咗唔少Party房，當中不乏非常有特色嘅主題房，娛樂設施有PS4、打麻雀、唱K、波波池、掟標、Broadgame等等，應有盡有，好玩得嚟又唔使同人逼。市面普遍Party Room可容納10-30人，另外亦有一些細房選擇，適合三五知己相聚。想知有乜Party Room 好介紹，即睇：10大平靚正派對包場好去處
相關閱讀：【 聖誕 快樂2016】消費優惠攻略大全
（溫馨提示：過節消費，記得用信用卡來儲積分同賺回贈啦！想了解更多不同信用卡的優惠，即上我哋比較平台。或即按此睇睇不同銀行嘅信用產品啦。）
——
想知道更多賺里數嘅方法，就要留意MoneyHero.com.hk Blog，同埋緊貼我哋嘅Facebook Page！
The post 再見2016！ 除夕倒數 好去處 appeared first on 理財資訊.