聖誕節剛過，而家就講過年好似早咗啲，不過出年1月28日就係農曆新年，唔少商戶已經開始推出 賀年食品 早買優惠，所以都係時候準備辦年貨！MoneyHero.com.hk就搜羅咗各大信用卡的賀年食品優惠，如果你有以下信用卡，不如早少少訂購賀年糕點同食物，以更平更抵嘅價錢入貨啦！
Citibank：利苑、東海飲食集團低至68折！
利苑
素有「名人飯堂」美譽嘅利苑唔單止以燉品同精美小菜聞名，佢哋嘅點心同賀年糕點一樣出名好味！而家憑Citi信用卡去利苑/利小館各分店購買利記賀年糕點/ 禮券即有95折優惠，優惠分兩階段進行，喺12月31日前買價錢就愈平！訂購後最快可以於2017年1月12日開始去利苑分店或利小館換領禮盒。
推廣期：由即日起至2017年1月25日
東海飲食集團
Citi信用卡客戶亦可以憑68折優惠價訂購東海飲食集團嘅賀年糕點，包括椰汁賀年糕（優惠價$113/ 原價$168）、藍蝶紫薯糕、養生五豆糕、臘味蘿蔔糕同五香荔芋糕（優惠價$121/ 原價$178）。按此了解優惠詳情。
推廣期：由2016年12月1日至2017年1月18日
換領期：由2017年1月1日至25日
HSBC：美心、翠園、東海堂享7折
匯豐信用卡客戶憑卡可以7折優惠價購買美心、翠園同東海堂賀年食品，包括蘿蔔糕、芋頭糕同賀年禮盒等。如果你於推廣期內嘅星期五、六同日簽賬更可享額外95折。
此外，2017年1月3日或之前，你亦可以用「獎賞錢」以優惠折扣換購精選賀年食品禮券。持卡年期5年或以下可享7折優惠，持卡達6-10年享66折，持卡超過10年更有6折優惠！好似美心臘味禮盒原價要成$178，用「獎賞錢」換購嘅話價錢低至$106！按此瀏覽優惠詳情。
推廣期：由即日起至2017年1月22日
中銀香港：榮華餅家低至6折
圖片來源：榮華餅家
如果你鍾意較傳統嘅味道，咁中銀同榮華餅家合作嘅呢個優惠就啱晒你！中銀信用卡客戶可憑早買優惠價$69購買指定年糕/ 禮券1張(原價：$99)，又或者用17,250簽賬積分換領，買臘味年貸亦有8折優惠。按此瀏覽優惠詳情。
推廣期：即日起至2017年1月25日
* 早買優惠只適用至2017年1月12日
按此了解更多有關中銀（亞洲）的資訊。
東亞銀行: 鴻星食品低至67折、景樂集團低至85折
鴻星食品
東亞信用卡客戶可以憑卡以優惠價購買鴻星食品嘅賀年食品禮券或現貨，包括年糕、芋頭糕同盆菜，其中原價$198嘅臘腸系列更低至67折，即係$132，都算幾抵買。按此了解優惠詳情。
推廣期：即日起至2017年1月27日
景樂集團
鍾意食賀年糕點多啲？可以考慮以下呢個優惠！東亞信用卡持卡人只要於2017年1月22日前喺景樂集團買賀年糕點滿$250就可以享85折優惠，佢哋嘅糕點包括黑糖栗子年糕、蘆薈楊枝甘露糕、紅豆杞子桂花糕同富貴蘿蔔糕。按此了解東亞x景樂集團優惠。
推廣期：即日起至2017年1月22日（禮券85折）；2017年1月16日至1月27日（現貨9折）
建行（亞洲）：Isabelle、鴻福堂及聖安娜餅屋積分換領優惠
Isabelle
如果你比起傳統賀年食品更鍾意西式糕點，咁建行 x Isabelle呢個積分換購優惠你就切勿錯過！法式曲奇品牌Isabelle出名包裝精美，曲奇款式多樣又好味，而家建行（亞洲）信用卡客戶可以用積分換領指定曲奇禮盒一張（15,000-37,500積分），亦可以用5000積分加錢換購。
積分換領優惠期 ： 由即日起至2017年1月6日
曲奇禮盒換領期：2017年1月9日至2017年1月26日
鴻福堂
建行（亞洲）信用卡客戶可以積分換領鴻運年糕禮券（16,500積分）、金腿瑤柱蘿蔔糕禮券（21,500積分）或者燕窩楊枝甘露糕禮券1張（21,500積分），唔夠分亦可以改用5000積分加錢換購。不過計番條數可能去門市購買更抵，因為只需$75就可買到原價$133嘅鴻運年糕，即接近半價非常抵買！
積分換領優惠期 ： 由即日起至2017年1月6日
賀年糕品換領期：2017年1月18日至2017年1月22日（全線分店，觀塘生活良坊分店除外） / 2017年1月23日至2017年1月26日（指定分店）
聖安娜餅屋
建行（亞洲）信用卡客戶可以積分換領指定賀年糕品禮券1張（18,250-20,000積分），包括瑤柱蘿蔔糕券、瑤柱芋頭糕券、桂花紅荳軟心年糕同手工全蛋蛋卷禮盒。冇咁多分都唔緊要，你可以用5,000積分再加錢換購以上禮盒禮券。
＊有興趣換購嘅話記得要於2017年1月6日或之前填妥積分換購表格，並傳真或郵寄表格到建行，到時銀行就會將禮券郵寄至你嘅通訊地址。按此了解優惠詳情。
積分換領優惠期：由即日起至2017年1月6日
賀年糕品換領期：2017年1月9日至2017年1月23日（全線分店） / 2017年1月24日至2017年1月26日（指定分店）
交通銀行：榮華餅家賀年食品禮券積分換領優惠
圖片來源：榮華餅家
交通銀行信用卡客戶可以用積分換領榮華各式嘅賀年年糕同食品禮券，包括罐裝蛋卷券（13,000積分）、椰汁紅豆糕券（14,000積分）同臘味香菇蘿蔔糕（15,000積分）。有興趣就要於2017年1月10日或之前填妥積分換領表格，郵寄或交去交通銀行分行。按此瀏覽宣傳單張。
推廣期：由即日起至2017年1月10日
了解更多交通銀行信用卡產品。
MasterCard：聖安娜餅屋貨年食品69折
由即日起至2017年1月15日，憑任何萬事達卡（如渣打亞洲萬里通萬事達卡同東亞銀行Flyer World萬事達卡）購買聖安娜精選賀年貨品即可享69折，不過買唔切都唔緊要，因為喺1月16至27日期間都仲有75折。按此瀏覽官網。
推廣期：即日起至2017年1月27日
想慳更多，大家不妨去工展會買筍貨，例如鮑魚、海味都平價發售，新年時用嚟款客就最啱！
想了解更多不同信用卡的優惠？即刻上我哋嘅比較平台。
想知道更多賺里數嘅方法，就要留意MoneyHero.com.hk Blog，同埋緊貼我哋嘅Facebook Page！
The post 【慳錢辦年貨！】 賀年食品 x 信用卡優惠全攻略 appeared first on 理財資訊.