打工仔辛辛苦苦賺錢，但個個月都預留一筆錢交水電煤保費，都咪話唔肉赤！你有冇諗過，原來交呢啲日常開支都可以儲飛行里數？呢啲費用個個月都要交，其實真係可以幫你儲到唔少里數，兩個月換到張台灣機票都不是夢！不過，銀行信用卡呢方面嘅優惠通常都比較繁複，又多限制， MoneyHero.com.hk 有見及此，就整理咗用各大信用卡交水電煤等等雜費嘅比較，幫大家拆解唔同銀行信用卡嘅適用地方再加埋注意事項，想知有乜要留神？即刻碌落去睇！
大家平時交水電煤雜費，都不外乎3個方法：
(1) 自動轉賬 Autopay
(2) 網上轉賬 e-banking
(3) 自己親身去交
你首先要知道，唔係用張張信用卡交水電煤費都可儲里數。即使張卡可以透過 繳費 賺里數，但對於以上3種交費方法，每張信用卡都有唔同嘅政策同限制。如各位已搞清楚平日繳費方法，咁就可以對應番每一張卡交雜費可以儲到幾多里數喇：
方法一：自動轉賬 （Autopay）
自動轉賬賺到里數嘅信用卡有好多，不過部分機構，包括中電、港燈、煤氣，只接受某幾間銀行嘅信用卡登記自動轉賬服務，而水務處直情唔接受信用卡Autopay，另外亦有啲信用卡寫明某類 繳費 冇得儲里數。小編幫大家整咗個表，方便大家一眼睇晒：
| 信用卡 | 兌換比率 | 水費 | 電費 （中電） |
電費 （港燈） |
煤氣費 | 保費 |
| 東亞Flyer World | $5 = 1里 | X | ✓ | X | X | ✓ |
| Citi Prestige | $6 = 1里 | X | ✓ | X | ✓ | ✓ |
| 美國運通國泰尊尚信用卡 | $6 = 1里 | X | X | X | X | ✓ |
| 建行港航Fly Away信用卡 | $6 = 1里 (港航里數) |
X | X | X | X | ✓ |
| Citi PremierMiles | $8 = 1里 | X | ✓ | X | ✓ | ✓ |
| 美國運通國泰航空信用卡 | $8 = 1里 | X | X | X | X | ✓ |
| HSBC金卡/白金/卓越理財/運籌理財 | $25=1里 | X | X | X | X | ✓ |
方法二：網上 繳費 （e-banking）
網上繳費都可儲里數嘅信用卡唔多，只有以下呢幾張。值得留意嘅係，現時網上繳交保費已經冇得儲里數（偏偏保費嘅金額係最高），大家唯有check下有冇得Set AutoPay或親身去碌卡。
| 信用卡 | 兌換比率 | 水費 | 電費 （中電） |
電費 （港燈） |
煤氣費 | 保費 |
| 東亞Flyer World | $5 = 1里 （7月1日起 $8 = 1里） |
✓ | ✓ | ✓ | ✓ | X |
| 建行Visa Infinite | $8 = 1里 | ✓ | ✓ | ✓ | ✓ | X |
| 富邦Titanium/Platinum | $15 = 1里 | ✓ | ✓ | ✓ | ✓ | X |
| 建行Eye Card | $15 = 1里 | ✓ | ✓ | ✓ | ✓ | X |
| 建行銀聯白金 | $15 = 1里 | ✓ | ✓ | ✓ | ✓ | X |
| *HSBC金卡/白金/卓越理財/運籌理財 | $25=1里 | ✓ | ✓ | ✓ | ✓ | X |
*每個月只限頭$10,000繳費可獲里數
如果你想知邊張卡可以用八達通自動增值賺里數，即睇：嚴選 八達通自動增值 最佳信用卡
想知交學費有乜信用卡回贈，可以睇埋：交學費 儲積分必備信用卡
方法三：親身繳交
小編Check完之後發現，親自交水電煤費用嘅話，當局只會接受現金或支票，所以….親自去交水電煤費用係儲唔到里數架！交保費嘅話就間間公司做法唔同，所以要自行問返保險公司。如果保險公司可以俾你親身去碌卡交，而信用卡條款又冇講明交保費冇回贈嘅話（大部分都OK），咁就有得賺里數！
綜合嚟睇，雖然 東亞Flyer World MasterCard 7月1號起 e-banking 繳費回贈會由$5=1里減至$8=1里，但市面上都未有一張卡係抵得過佢（建行Visa Infinite 都係$8=1里，但輸在AutoPay冇回贈）。所以東亞Flyer World MasterCard目前都係交費嘅不二之選！
——
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 【信用卡繳費】交水電煤費 都儲到飛行里數？（2017） appeared first on 理財資訊.